جموں و کشمیر300 دُور اُفتادہ دیہات میں تیز رفتار انٹر نیٹ اتصال کی فراہمی

ٹاﺅر نصب کرنے کیلئےBSNLکو37 کنال اراضی منتقل ©
ضروری کاموں کو مکمل کرکے زمین پر بنیادی ڈھانچہ سازی کی رسمی تیاری شروع
سری نگر/جموں و کشمیر کے تقریباً300 دور اُفتادہ دیہات کے لوگوں کےلئے تیز رفتار انٹرنیٹ سروس تک رسائی کےلئے انتظامیہ نے الگ الگ مقامات پر زمین کا ایک بڑا حصہ بھارت سنچار نگم لمیٹڈ (BSNL) کو ٹاورز کی تنصیب کیلئے منتقل کیا ہےسرکاری ذرائع نے بتایا کہ ہائی سپیڈ انٹرنیٹ سروس جلد ہی جموں و کشمیر کے ہر گھر بشمول پہاڑی اور سرحدی پٹی کے دور دراز دیہاتوں تک پہنچ جائے گی۔انہوں نے کہا کہ جموں و کشمیر ریونیو ڈیپارٹمنٹ نے4G موبائل نیٹ ورک کو یقینی بنانے کیلئے37 کنال اراضی BSNLکو منتقل کر دی ہے جس کے لئے ضروری رہنما خطوط بھی جاری کئے گئے ہیں۔سرکاری ذرائع نے مزیدبتایا کہ محکمہ ریونیو سے کہا گیا ہے کہ وہ بی ایس این ایل یعنی حکومت کی ملکیت والی مواصلاتی تنظیم کو مفت زمین الاٹ کرے۔انہوں نے مزید کہا کہ300 سے زیادہ دیہات تیز رفتار انٹرنیٹ تک رسائی سے محروم ہیں لیکن ٹاورز کی تنصیب شروع ہوتے ہی یہ سروس جلد ہی انہیں دستیاب کر دی جائے گی۔ایک سرکاری اہلکار نے بتایاکہ جموں و کشمیر کے کچھ حصوں میں ٹاورز کی تنصیب کےلئے تقریباً 100 شناخت شدہ مقامات پر 37 کنال اراضی الاٹ کی گئی ہے۔انہوں نے مزید کہا کہ ریاستی انتظامی کونسل کی میٹنگ میں پہلے کئے گئے فیصلے کے مطابق یہ زمین بی ایس این ایل کو دی گئی ہے اور اب عمل کرنے والی ایجنسی متعلقہ محکموں کی اجازت سے اور ضروری کاموں کو مکمل کرکے زمین پر اپنی بنیادی ڈھانچہ سازی کی رسمی تیاری کر سکتی ہے۔ انہوں نے مزید کہا کہ ٹیلی کام آپریٹر کو ریونیو، فاریسٹ، جے اینڈ کے آبی وسائل (ضابطہ اور انتظام) ایکٹ 2010، ہاو ¿سنگ اینڈ اربن ڈیولپمنٹ ڈیپارٹمنٹ اور جل شکتی محکمہ سے متعلق قانون کی تمام دفعات کی تعمیل کرنی ہوگی۔انہوں نے مزید کہا کہ انہیں زمین کے استعمال کے بارے میں جموں و کشمیر یا کسی دوسری مجاز عدالت کے متعلقہ احکامات کی بھی تعمیل کرنی ہوگی۔اہلکار نے مزید کہا کہ زمین مفت فراہم کی گئی ہے۔ انہوں نے مزید کہاکہ یونیورسل سروس اوبلیگیشن فنڈ (یو ایس او ایف) کے تحت بلاتعطل رابطے کو یقینی بنانے کی اسکیم کے تحت،300 سے زیادہ دیہات کا احاطہ کیا جائے گا۔انہوں نے کہا کہ اس کے بعد جموں و کشمیر میں کوئی بستی یا علاقہ انٹرنیٹ کنیکٹیویٹی کے بغیر نہیں رہے گا۔اراضی کی منتقلی کے بارے میں تصدیق کرتے ہوئے سیکرٹری ریونیو، ڈاکٹر پیوش سنگلا نے کہاکہ جموں و کشمیر کے مختلف اضلاع میں جہاں تیز رفتار انٹرنیٹ کی سہولت نہیں ہے، ٹاورز کی تنصیب کے لیے زمین بی ایس این ایل کو منتقل کر دی گئی ہے۔