ہم نے  جموں و کشمیر کے غریب خاندانوں کے سر پر چھت فراہم کرنے کا عہد کیا ہے۔ ایل جی سنہا

 سرینگر/ لیفٹیننٹ گورنر منوج سنہا نے آج سری نگر میں پردھان منتری آواس یوجنا گرامین  کے تحت سمگرا آواس کنورجنسی کے اختتامی اجلاس میں شرکت کی۔اس تقریب میں، لیفٹیننٹ گورنر نے پردھان منتری آواس یوجنا گرامین  کے استفادہ کنندگان کو 150 کروڑ روپے کی قسطیں جاری کیں۔  اپنے خطاب میں، لیفٹیننٹ گورنر نے جموں و کشمیر کے لوگوں کے معیار زندگی کو بہتر بنانے کے لیے   یو ٹی  انتظامیہ کی طرف سے متعارف کرائی گئی اصلاحات کا اشتراک کیا۔لیفٹیننٹ گورنر نے کہا کہ عزت مآب وزیر اعظم جناب نریندر مودی جی کی رہنمائی میں، ہم جامع ترقی اور آخری میل تک پہنچنے کے لیے وقف ہیں۔”میرا بنیادی مقصد معاشرے کے پسماندہ طبقے کو کم ترقی کے چنگل سے آزاد کرانا ہے اور اس بات کو یقینی بنانا ہے کہ ہر خاندان کو امن اور خوشحالی کے فوائد حاصل ہوں۔ بے زمینوں کے لیے زمین کے ساتھ، ہم نے معاش کو یقینی بنانے اور ان کے لیے ایک روشن مستقبل بنانے کا عہد کیا ہے ۔ پردھان منتری آواس یوجنا کے تحت رجسٹرڈ ہونے والی پیش رفت پر روشنی ڈالتے ہوئے لیفٹیننٹ گورنر نے کہا کہ  پردھان منتری آواس یوجنا گرامین کے تحت جموں و کشمیر کو منظور شدہ 3.42 لاکھ میں سے تمام 3.39 لاکھ اہل مکانات کو منظوری دی گئی۔ ان میں سے 1.74 لاکھ مکانات مستفیدین کے حوالے کیے گئے۔ انہوں نے مزید کہا کہ بقیہ مکانات کی تعمیر کا کام رواں مالی سال تک مکمل کر لیا جائے گا۔ انہوں نے کہا کہ ہم غریب خاندانوں کے سر پر چھت فراہم کرنے کے لیے پرعزم ہیں۔ ہم قطار میں موجود آخری شخص کو بااختیار بنانا چاہتے ہیں اور اپنے گائوں کو آتم  نربھر جموں و کشمیر کے مقصد کو حاصل کرنے کے لیے خود کفیل بنانا چاہتے ہیں۔لیفٹیننٹ گورنر نے پی آر آئی ممبران، تمام اسٹیک ہولڈر محکموں اور کٹھوعہ، بڈگام، کولگام اور رامبن اضلاع کے لوگوں کو او ڈی ایف پلس اور 100 فیصدماڈل ضلع کا درجہ حاصل کرنے پر مبارکباد دی۔ انہوں نے مزید کہا کہ سب کی اجتماعی کوششوں کی وجہ سے،جموںو کشمیر  کے ماڈل ولیج کوریج میں سرفہرست کارکردگی کے طور پر ابھرا ہے۔انہوں نے یو ٹی  کے لوگوں سے بھی ملاقات کی اور یوم آزادی کی تقریبات میں ان کی فعال شرکت کی خواہش کی۔لیفٹیننٹ گورنر نے پردھان منتری آواس یوجنا گرامین  کے تحت بہترین کارکردگی دکھانے والے بلاکس اور اضلاع کو زیادہ سے زیادہ ہم آہنگی کے ساتھ نوازا۔ انہوں نے  پردھان منتری آواس یوجنا گرامین   کے تحت مستفیدین کو قسطوں کے چیک بھی حوالے کئے۔   اس موقع پر ڈاکٹر ارون کمار مہتا، چیف سکریٹری؛ شیلیش کمار سنگھ، مرکزی سیکرٹری دیہی ترقی؛ محترمہ مندیپ کور، کمشنر/ سکریٹری، دیہی ترقی جموں و کشمیر، ایس گیا پرسا، ڈی ڈی جی رورل ہاؤسنگ، دیہی ترقی کی وزارت اور سینئر افسران نے اختتامی اجلاس میں شرکت کی۔