چین نے پاکستان کو 2.4 بلین ڈالر کا قرضہ دیا

اسلام آباد۔/ چین کے ایگزم بینک نے اسلام آباد کے غیر ملکی ذخائر کو مضبوط کرنے کے لیے دو سال کے لیے پاکستان کے ساتھ 2.4 بلین ڈالر کا قرضہ دیا ہے ۔  اے آر وائی نیوز نے  آ ج یہ اطلاع دی۔ چین سے  قرضہ ملنے کااعلان وزیر خزانہ اسحاق ڈار نے اپنے ٹوئٹر ہینڈل پر کیا۔ڈار نے اپنی ٹویٹ میں کہا کہ چینی ایگزم بینک نے دو سالوں کے لیے 2.4 بلین امریکی ڈالر کا قرضہ دیا ہے جس میں مالی سال 2023-24 میں 1.2 بلین امریکی ڈالر اور مالی سال 2024-25 میں 1.2 بلین امریکی ڈالر شامل ہیں۔ڈار نے کہا کہ پاکستان دونوں سالوں میں صرف سود کی ادائیگی کرے گا۔بدھ کو ذرائع نے دعویٰ کیا کہ چین نے پاکستان کو 2 ارب ڈالر کے قرض کی ادائیگی دو سال کے لیے موخر کر دی ہے۔چائنا ایگزم بینک نے قرض کی وصولی میں تاخیر کے بارے میں پاکستان کو باضابطہ خط لکھا۔ذرائع کا کہنا ہے کہ وفاقی حکومت نے قرضوں کی ادائیگی کے لیے شرائط و ضوابط پر نظر ثانی کی ہے۔ ذرائع نے مزید کہا کہ پاکستان کو قرض پر اضافی سود کی ادائیگی سے بھی استثنیٰ حاصل ہے۔