جی ایس ٹی کے ترقیاتی فوائد کو برقرار رکھتے ہوئےجموں کشمیر میں جی ایس ٹی کی حصولیابی میں اضافہ کیا جائے ۔پرنسپل سیکریٹری فائنانس

سرینگر/پرنسپل سیکریٹری فائنانس نے ایس ٹی دی پر زور دیا کہ وہ جموں کشمیر میں جی ایس ٹی کے ترقیاتی فوائد کو برقرار رکھیں اور اس میں اضافہ کرے ۔ پرنسپل سکریٹری خزانہ، سنتوش ڈی ویدیا نے ملک کے ٹیکس نظام پر گڈز اینڈ سروسز ٹیکس (جی ایس ٹی) کے انقلابی اثرات پر زور دیا۔ اس موقعے پر کے ذریعے حاصل کی گئی ٹیکس وصولی میں خاطر خواہ بہتری کو اجاگر کیا۔جی ایس ٹی کے نفاذ کی 6 ویں سالگرہ اور یکم جولائی سے جی ایس ٹی ہفتہ کی تقریبات کے آغاز کی یاد میں منعقد ایک تقریب سے خطاب کرتے ہوئے، ویدیا نے ٹیکس افسران کو درپیش اہم کام کا اعتراف کیا اور نظام کی خامیوں کو دور کرتے ہوئے ترقیاتی فوائد کو برقرار رکھنے اور بڑھانے کی ضرورت پر زور دیا۔محکمہ کے اندر صلاحیتوں میں اضافے کی اہمیت کو تسلیم کرتے ہوئے، انہوں نے بہتر نتائج حاصل کرنے کے لیے افسران کے درمیان ٹیم ورک پر زور دیا۔ انہوں نے ہر ممکن طریقے سے اپنے دفتر کے کاموں میں مکمل تعاون اور سہولت فراہم کرنے کے عزم کا اظہار کیا۔تقریب کے دوران، ریاستی ٹیکس کی کمشنر، ڈاکٹر رشمی سنگھ نے ایک مضبوط معیشت کی تعمیر، ترقی کو فروغ دینے، اور محصول کے اہداف کو حاصل کرنے میں محکمے کے تعاون پر روشنی ڈالی۔ انہوں نے اس بات پر زور دیا کہ محکمہ نے آگاہی مہموں اور آو¿ٹ ریچ اقدامات کے ذریعے کامیابی کے ساتھ عوام میں اپنے تعلق کا احساس پیدا کیا ہے۔ایڈیشنل کمشنر اسٹیٹ ٹیکس جموں، نمرتا ڈوگرا نے جموں ڈویژن میں کی گئی ٹیکس اصلاحات کا جائزہ پیش کیا۔ انہوں نے حاصل کیے گئے اہم سنگ میلوں پر زور دیا اور مختلف اسٹیک ہولڈرز کے ساتھ منسلک ہونے کے لیے محکمے کی کوششوں پر روشنی ڈالی۔ آگاہی مہم کے دوران موصول ہونے والی قیمتی آراءکے ذریعے، محکمے نے اس اہم ٹیکس اصلاحات میں اسٹیک ہولڈرز کی رضامندی اور حمایت حاصل کی ہے۔ایڈیشنل کمشنر اسٹیٹ ٹیکس کشمیر، شکیل مقبول نے جموں و کشمیر میں جی ایس ٹی کے نفاذ کے سفر کے بارے میںجانکاری کا اشتراک کیا۔ انہوں نے محکمانہ اقدامات، جی ایس ٹی سے پہلے کے منظر نامے، اور جی ایس ٹی کے نظام کے تحت حاصل کی گئی شرح نمو پر تبادلہ خیال کیا۔