کشمیر ڈویڑن کے اسکولوں میں یکم جولائی سے گرمیوں کی تعطیلات کا اعلان

مسلسل گرمی کی لہر کے درمیان، جموں و کشمیر اسکول ایجوکیشن ڈپارٹمنٹ نے ہفتہ کو تمام سرکاری اور تسلیم شدہ نجی اسکولوں میں یکم جولائی سے 10 جولائی تک ہائر سیکنڈری سطح تک گرمیوں کی تعطیلات کا اعلان کیا۔تازہ حکمنامے میں کہا گیا ہے کہ کشمیر ڈویڑن اور جموں ڈویڑن کے سرمائی زون میں کام کرنے والے تمام سرکاری تعلیمی ادارے اور ہائیر سیکنڈری سطح تک کے تسلیم شدہ نجی اسکول 2023 کے یکم سے 10 جولائی تک موسم گرما کی تعطیلات منائیں گے قابل ذکر ہے کہ کشمیر میں گرمی کی لہر کے پیش نظر گرمیوں کی تعطیلات کا اعلان کیا گیا ہے کیونکہ دن کا درجہ حرارت 35 ڈگری سیلسیس سے تجاوز کر گیا ہے جس کی وجہ سے طلبائ کے لیے شدید گرمی کو برداشت کرنا مشکل ہو گیا ہے۔