یشا مدگل نے سپر بازار جموں میں نیسکافے کے آوٹ لیٹ کا افتتاح کیا

یاتری بھون میں کاونٹر قائم کرنے کی ہدایت
کمشنر سیکرٹری کواپریٹو یشا مدگل نے آج سپر بازار جموں میں نیسکافے کے آو¿ٹ لیٹ کا افتتاح کیا ۔ سپر بازار جموں میں جدید کاری کا کام شروع کرنے کے بعد یہ ان کا پہلا دورہ تھا ۔ نیسکافے کے آوٹ لیٹ سے سپر بازار جموں کے کاروبار کو فروغ ملے گا ۔ اس موقع پر اظہار خیال کرتے ہوئے کمشنر سیکرٹری نے محکمہ کے عہدیداروں اور سپر بازار کے ملازمین پر زور دیا کہ وہ عوام کو مسابقتی قیمتوں پر بہترین خدمات فراہم کرنے کیلئے جوش و خروش سے کام کریں ۔ انہوں نے مزید کہا کہ ملازمین اور عہدیداروں کی یہ کوشش ہونی چاہئیے کہ وہ سپر بازار کو مارکیٹ کے سب سے زیادہ مسابقتی اور بہترین اسٹورز میں سے ایک بنائیں جہاں لوگ اپنی روز مرہ کی ضروریات کیلئے خریداری کیلئے آتے ہیں ۔ انہوں نے سپر بازار جموں کے زیر ملکت انفراسٹرکچر کو شہر کے بہترین مقامات بشمول گاندھی نگر گول مارکیٹ ، جموں یونیورسٹی اور سول سیکرٹریٹ جموں کے آوٹ لیٹ پر زیادہ سے زیادہ استعمال کرنے کیلئے وسیع رہنما خطوط بھی مرتب کئے ۔ انہوں نے موقع پر ہی ان دکانوں کو دیر تک کھلا رکھنے کی ہدایات دیں تا کہ لوگ مارکیٹ میں موجود دیگر سٹورز کی طرح خریداری کر سکیں ۔ کمشنر سیکرٹری نے اشیاءکو پرکشش اور جدید انداز میں ڈسپلے کرنے کے حوالے سے بھی ہدایات جاری کیں تا کہ انہیں خریدداروں کیلئے پرکشش بنایا جا سکے ۔ اپنے خطبہ استقبالیہ میں جنرل منیجر سپر بازار ڈاکٹر پنیکا پنڈتا نے کمشنر سیکرٹری کو گذشتہ مالی سال کے دوران سیلز پورٹ فولیو میں سپر بازار کی طرف سے کی گئی پیش رفت کے بارے میں آگاہ کیا ۔ ایڈیشنل رجسٹرار کواپریٹو سوسائیٹیز جموں ڈاکٹر نروپارائے نے اپنے خطاب میں کمشنر سیکرٹری کا ان کی قیادت کے لئے شکریہ ادا کیا اور تمام عہدیداروں کو حوصلہ افزائی اور عزم کے ساتھ کام کرنے کی تلقین کی ۔ اس موقع پر موجود دیگر معززین میں جوائینٹ رجسٹرار ( آڈٹ ) ، جوائینٹ رجسٹرار ( سپیشل ) ، ایڈیشنل ڈپٹی کمشنر ، ڈپٹی رجسٹرار ( ایگری ) جموں موجود تھے ۔