کشمیر میں خراب موسمی حالات کے بیچ شبانہ درجہ حرارت معمول سے کم ریکارڈ

سری نگر/وادی کشمیر میں برف و باراں کے بیچ شبانہ درجہ حرارت مسلسل معمول سے نیچے درج ہو رہا ہے۔ادھر محکمہ موسمیات کے ایک ترجمان کی پیش گوئی کے مطابق وادی میں 4 مئی تک موسمی صورتحال خراب رہنے کا امکان ہے۔انہوں نے کہا کہ وادی میں اگلے چوبیس گھنٹوں کے دوران موسم ابر آلود رہ سکتا ہے اور اس دوران دوپہر کے بعد کہیں کہیں بارشوں کا امکان ہے۔ان کا کہنا تھا کہ بعد ازاں اودی میں 2 سے 4 مئی تک ہلکی سے درمیانی درجے کی بارشیں ہوسکتی ہیں جبکہ بعض علاقوں میں بھاری بارشیں متوقع ہیں۔ترجمان کے مطابق سری نگر میں گذشتہ چوبیس گھنٹوں کے دوران 4.6 ملی میٹر بارش ریکارڈ ہوئی ہے جبکہ قاضی گنڈ میں 612.8 ملی میٹر، پہلگام میں 12.9 ملی میٹر، کپوارہ میں 0.8 ملی میٹر، گلمرگ میں 9.2 ملی میٹر بارش ریکارڈ ہوئی ہے۔وادی میں دگر گوں موسمی صورتحال کے بیچ وادی میں شبانہ درجہ حرارت مسلسل معمول سے نیچے درج ہو رہا ہے۔گرمائی دارلحکومت سری نگر میں کم سے کم درجہ حرارت7.4 ڈگری سینٹی گریڈ ریکارڈ کیا گیا جو معمول سے1.9 ڈگری سینٹی گریڈ کم ریکارڈ ہوا تھا۔وادی کے شہرہ آفاق سیاحتی مقام گلمرگ میں کم سے کم درجہ حرارت منفی0.5 ڈگری سینٹی گریڈ ریکارڈ کیا گیا جو معمول سے 4.7 ڈگری سینٹی گریڈ ریکارڈ ہوا تھا۔وادی کے دوسرے سیاحتی مقام پہلگام میں کم سے کم درجہ حرارت 3.8 ڈگری سینٹی گریڈ ریکارڈ کیا گیا جو معمول سے 0.6 ڈگری سینٹی گریڈ کم ریکارڈ ہوا تھا۔سرحدی ضلع کپوارہ میں کم سے کم درجہ حرارت 6.4 ڈگری سینٹی گریڈ ریکارڈ کیا گیا جو معمول سے 1.4 ڈگری سینٹی گریڈ کم ریکارڈ ہوا تھا۔گیٹ وے آف کشمیرکے نام سے مشہور قصبہ قاضی گنڈ میں کم سے کم درجہ حرارت 7.2 ڈگری سینٹی گریڈ ریکارڈ کیا گیا جو معمول سے 0.6 ڈگری سینٹی گریڈ کم ریکارڈ ہوا تھا۔لداخ یونین ٹریٹری کے ضلع لیہہ میں کم سے کم درجہ حرارت منفی 4.4 ڈگری سینٹی گریڈ ریکارڈ ہوا ہے۔ی