میر گنڈپٹن میں عدم شناخت لاش برآمد

پلہالن میں چلتی بس سے گر کر لڑکی زخمی
سرینگر/20مارچ/میرگنڈ بارہمولہ میں پولیس نے ایک عدم شناخت لاش برآمد کرلی گئی۔ جبکہ پلہالن پٹن میں ایک چلتی گاڑی سے لڑکی گر کر شدید زخمی ہوئی ہے جس کو فوری طور پرپٹن ہسپتال پہنچایاگیا۔ ذرائع نے بتایا کہ شمالی کشمیر کے ضلع بارہمولہ میں رنگ روڑ میر گنڈعلاقے سے لوگوں نے ایک شخص کی لاش دیکھتے ہی پولیس کو اس معاملے میں مطلع کیا ۔ پولیس نے لاش کو اپنی تحویل میں لیکر مزید کارروائی شروع کردی ہے ۔ البتہ ابھی تک مہلوک کی شناخت نہیں ہوسکی ہے ۔ پولیس نے اس معاملے میں بھی رپورٹ درج کرلی ہے ۔ دریں اثناءشمالی کشمیر بارہمولہ ضلع کے پٹن کے پلہالن علاقے میں سوپور علاقے کی ایک لڑکی چلتی بس سے گر کر زخمی ہوگئی۔ذرائع نے بتایا کہ افروزہ عمر(18) سال دختر عبدال قیوم ڈار ساکنہ پلہالن میں چلتی بس سے گر گئی جس کے نتیجے میں مذکورہ لڑکی زخمی ہوگئی۔انہوں نے بتایا کہ لڑکی کو علاج کے لیے ٹراما اسپتال پٹن منتقل کیا گیا، جہاں سے اسے جدید علاج کے لیے جے وی سی اسپتال بمنہ ریفر کیا گیا۔اس سلسلے میں مقدمہ درج کر کے مزید تفتیش شروع کر دی گئی ہے۔