کلگام میں 03منشیات فروش گرفتار، ممنوعہ مادہ برآمد

سماج سے منشیات کو ختم کرنے کی کوششوں کو جاری رکھتے ہوئے، کلگام پولیس نے تین منشیات فروشوں کو گرفتار کیا اور اس کے قبضے سے ممنوعہ مادہ برآمد کیا۔ایس ایچ او پولیس اسٹیشن بہی باغ کو علاقے نون مائی میں ناکہ چیکنگ کے دوران ایک مشکوک شخص کو پکڑ کر تلاشی شروع کی ۔ دوران تلاشی اس کے قبضے سے پوست کا بھوسا 05 کلو گرام وزنی ممنوعہ مادہ برآمد کر لیا گیا اس کی شناخت بشیر احمد خان ولد گل محمد خان ساکن مٹی پورہ کے طور پر ہے۔ اس کو گرفتار کر لیا گیا۔اس کے علاوہ، اور ایک کارروائی میں پولیس پوسٹ میربازار کے دائرہ اختیار میں منشیات کی موجودگی کے حوالے سے ایک مخصوص اطلاع ملی کہ نثار احمد کھانڈے ولد بشیر احمد کھانڈے کے رہائشی مکان پر منشیات ہے اس پر فوری طور پر انچارج پولیس پوسٹ میربازار کی سربراہی میں ایک ٹیم تشکیل دی گئی جس نے مشتبہ مقام (رہائشی مکان) پر چھاپہ مارا۔ جہاں سے 04 کلو گرام پوست کا بھوسا جیسے ممنوعہ مادہ، ایک ڈیجیٹل وزنی مشین اور ایک مکسر برآمد کیا گیا۔ اس کے علاوہ نثار احمد کھانڈے ولد بشیر احمد کھانڈے (اہم بادشاہ) اور پون شرما ولد دیوان چند شرما ساکن آر ایس پورہ حال نیپورہ کو موقع پر گرفتار کر لیا گیا۔اس سلسلے میں پولیس اسٹیشن بہی باغ اور پولیس اسٹیشن قاضی گنڈ میں ایف ائی آر نمبر 17/ 2023اور 39/2023کو متعلقہ دفعات کے تحت درج کر کے مزید تفتیش شروع کر دی گئی۔ عوام ا لناس سے درخواست کی جاتی ہے کہ وہ اپنے پڑوس میں منشیات کی فروخت سے متعلق کسی بھی معلومات کے ساتھ آگے آئیں۔ منشیات فروشی میں ملوث پائے جانے والے افراد کے خلاف قانون کے مطابق کارروائی کی جائے گی۔