بی جے پی اپنی کارکردگی کی بنیاد پر آئندہ اقتدار حاصل کرے گی
دفعہ 370کے خاتمہ سے دہائیوں پُرانہ بحران ختم ہوا۔ وزیر داخلہ

وزیر داخلہ امت شاہ نے کہاہے کہ سابقہ حکومتوں کے غلط فیصلوں کی وجہ سے ملک کے عوام کو کافی پریشانیوں اور تکالیف کا سامنا رہا ہے تاہم وزیر اعظم نریندرمودی کی قیادت میں گزشتہ نو برسوں میں کافی تبدیلیاں رونماءہوئی ہیں۔ انہوںنے بتایا کہ سرکار نے جموں کشمیر سے دفعہ 370کا خاتمہ کرکے یوٹی کےلئے ترقی کی نئی راہیں کھول دی ہیں جس کی وجہ سے آج جموں کشمیر خوشحالی اور ترقی کی راہ پر گامزن ہے ۔ اطلاعات کے مطابق وزیر داخلہ امت شاہ نے کہا ہے کہ بھارتیہ جنتا پارٹی آنے والے وقت میں پارلیمانی انتخابات میں پھر سے شاندار جیت درج کرے گی کیوں کہ بھاجپا نے وہ کام کئے ہیںجو کسی بھی حکومت نے کرنے کی جرات نہیں کی تھی ۔ انہوں نے کرناٹک کے اپنے انتخابی دورے کے دوران کہا کہ اس خطے سے ان کا الک عقیدہ ہے جو مندروں کا شہر ہے انہوں نے کہا کہ سیاست اب ایوان بالا تک ہی محدود نہیں رہی اب عام لوگ اپنے حقوق سے پوری طرح واقف ہےں کہ حکومتوں نے ان کے لئے کیاکیا۔ہم نے ملک کے عوام کونوبرسو کے دوران ایک شناخت فراہم کی دنیامیں اب بھارت کوذمہ دار اور اہمیت والاملک سمجھاجاتاہے آج بھارت کی بات کوسنابھی جاتاہے اور اس پرعمل بھی کی جاتی ہے ۔وزیرداخلہ نے 5اگست 2019کے فیصلے کوصداقت پرمبنی قرار دیتے ہوئے کہاکہ جموںو کشمیرکے حوالے سے سیاسی اور ہمالیائی غلطیوں کاارتکاب ہوا تھا جسے ملک کے عوام کوسزا بھگتنی پڑ رہی تھی اب حالات بدل گئے۔ ہوا کارُخ تبدیل ہوا جموں و کشمیر کو ملک میں ضم کردیاگیا عسکریت کاخاتمہ قریب ہے ہڑتالوں سنگبازی اب کہی پربھی نہیں ہورہی ہے ۔370کے خاتمے کے وقت خون کی ندیاں بہنے کاعندیہ دیاگیاتھا تاہم مکھی کاپرتک نہیں کٹا۔انہوںنے کہاکہ جموںو کشمیرکے لوگ امن ترقی اور خوشحالی کی راہ پرگازمزن ہیں ۔ملک کے عوام کواس بات کااحسا س ہے کہ بی جے پی اور نریندر مودی کی سربراہی والی حکومت نے انہیں کیادیالوگ کار کردگی کی بنیاد پراپنے ووٹ کااستعمال کرتے ہےں ۔انہوں نے کہا کہ تنقید سیاسی جماعتوںکا حق ہے البتہ ملکی سالمیت اور سرکار کی کارکردگی کو نشانہ نہیں بنایا جانا چاہئے ۔