مرکزی وزیر نتن گڈکری نے دہلی۔ممبئی ایکسپریس وے کے کنٹرول روم کا معائنہ کیا

 سوہنا( ہریانہ)۔12؍فروری/۔مرکزی وزیر نتن گڈکری نے اتوار کو ہریانہ کے سوہنا میں دہلی-ممبئی ایکسپریس وے کے کنٹرول روم کا معائنہ کیا۔ کنٹرول روم میں مسافروں کی حفاظت اور ہنگامی صورت حال میں ان کی مدد کے لیے جدید ترین ٹیکنالوجی کا استعمال کیا گیا ہے۔معائنہ کے دوران نتن گڈکری نے کہا کہ پورے ایکسپریس وے کے مکمل ہونے کے بعد دہلی اور ممبئی کے درمیان سفر کا وقت بمشکل 12 گھنٹے رہ جائے گا۔ دہلی-ممبئی ایکسپریس وے خطے میں اقتصادی ترقی کے ایک نئے باب کا آغاز ہے۔ نتن گڈکری کے ساتھ ہریانہ کے وزیر اعلیٰ منوہر لال کھٹر، مرکزی وزیر گجیندر سنگھ شیخاوت، مرکزی وزیر مملکت جنرل وی کے سنگھ، راؤ اندرجیت سنگھ، نائب وزیر اعلیٰ دشینت چوٹالہ موجود تھے۔246 کلومیٹر دہلی۔ممبئی ایکسپریس وے 12,150 کروڑ روپے سے زیادہ کی لاگت سے تیار کیا گیا ہے۔ وزیر اعظم نریندر مودی اتوار کو دہلی۔ممبئی ایکسپریس وے کے پہلے مرحلے کا افتتاح  کیا۔