جموںکشمیر میں ڈینگو کے 8ہزار سے زائد معاملے سامنے آئے
سال 2022میں مچھروںکے کاٹنے سے 18کی موت

سرینگر/یکم جنوری//جموں و کشمیرمیںسال 2022 میں ڈینگی کی وجہ سے آٹھ ہزار لوگ بیمار ہوئے، 18 کی موت، ریاست میں سب سے زیادہ 8264 کیسز پائے گئے۔آگے آنے والے موسم گرمامیں جموں کشمیر کشمیر کو ڈینگو کا خاصا چلینج رہے گا۔ خاص کر جموں میں اس میں اضافہ دیکھے جائے گا۔ ڈینگو نے ریاست میں سال 2022 میں اب تک کا ریکارڈ بنایا ہے۔ اس سال سب سے زیادہ 8264 کیسز پائے گئے۔ ضلع جموں ڈینگو کے معاملے میں سب سے زیادہ متاثر ہوا۔ اس ضلع میں کل کیسز (5536 کیسز) میں سے 67 فیصد پائے گئے ہیں۔ مچھروں نے 18 افراد کی جان لے لی۔ ماہرین کے مطابق ڈینگی آنے والے سالوں میں خاص طور پر جموں ڈویڑن کے اضلاع کے لیے ایک چیلنج بن کر رہے گا۔ان کے مطابق، شہری کاری میں اضافے اور تعمیراتی سائٹ کے کام نے مچھروں کی افزائش کے ذرائع میں اضافہ کیا ہے۔ بڑھتی ہوئی آبادی ڈینگی پھیلانے میں بھی مددگار ثابت ہوتی ہے۔ ان وجوہات کا تعلق موسمیاتی تبدیلی سے بھی ہے۔ اس میں زائد بارش کی وجہ سے تعمیراتی مقامات پر پانی جمع ہونے سے ڈینگی کے ذمہ دار لاروا پنپ گئے ہیں۔دسمبر کے وسط میں جب پارہ گرا تو اس سال ڈینگی سے مہلت ملی۔ گزشتہ سالوں کے مقابلے اس سال ڈینگی کے سب سے زیادہ 32221 ٹیسٹ کیے گئے جن میں 25 فیصد آٹھ ہزار سے زائد ڈینگی کیسز پائے گئے۔ ضلع جموں میں پرانے شہر کے علاقوں جیسے جانی پور، سبھاش نگر، ریہاڑی وغیرہ میں ڈینگی پھیل رہا ہے۔ضلع میں پائے جانے والے کل کیسز میں سے 80 سے 85 فیصد کیسز مذکورہ علاقوں میں تھے۔ اس سال دسمبر کے آخر تک ڈینگی کے کیسز سامنے آنے کا سلسلہ جاری ہے جس کا تعلق موسمیاتی تبدیلی سے بھی بتایا جا رہا ہے۔ تاہم اس سال ڈینگی کے کیسز کی ریکارڈ تعداد کے باعث محکمہ صحت اور میونسپل کارپوریشن نے اس کی روک تھام کے حوالے سے پہلے کے دعووں کو بے نقاب کردیا ہے۔ڈینگی کے ہزاروں مریض سرکاری و نجی طبی مراکز پہنچ گئے۔ غیر سرکاری طور پر ڈینگی کے 10,000 سے زائد کیسز پائے گئے ہیں۔ ضلع ادھم پور ریاست میں ڈینگو سے دوسرے نمبر پر تھا۔ یہاں ڈینگی کے 850 کیسز پائے گئے۔ اسی طرح سانبہ میں ڈینگی کے 364، ڈوڈہ میں 243، کٹھوعہ میں 173، راجوری میں 105، ریاسی میں 119، رامبن میں 51، کشتواڑ میں 27، کشمیر میں 14، پونچھ میں 41 کیسز پائے گئے۔اس سال بچے بھی ڈینگی سے زیادہ متاثر ہوئے۔ وبائی امراض کے ماہر ڈاکٹر ہرجیت رائے کا کہنا ہے کہ جموں ڈویڑن بالخصوص ضلع جموں میں ڈینگی کے لیے ذمہ دار لاروا کی افزائش کے ذرائع میں اضافہ ہوا ہے۔ اس کی وجہ یہ بھی دیکھنے میں آئی ہے کہ جہاں جہاں تعمیراتی کام چل رہے ہیں، اس کی وجہ سے پانی زیادہ جمع ہوا اور مچھر بھی بڑھ گئے۔موسمیاتی تبدیلیوں کے باعث اس سال بارشیں بھی اچھی ہوئیں جس کی وجہ سے کئی مقامات پر پانی کافی دیر تک جما رہا۔ اس کے علاوہ بڑھتی ہوئی آبادی بھی ایک وجہ ہے۔ اس سے ڈینگی پھیلانے میں مدد ملتی ہے۔ شہری علاقے مسلسل پھیل رہے ہیں۔کس سال کتنے کیسز پائے گئے؟سال 2021 میں ریاست میں ڈینگو کے 1709 کیسز پائے گئے اور چار لوگوں کی موت ہو گئی۔ سال 2020 میں 53، سال 2019 میں 439، سال 2018 میں 214، سال 2017 میں 488، سال 2016 میں 79، سال 2015 میں 153، سال 2014 میں 1، سال 2014 میں 1838 اموات ہوئیں۔ )، سال 2012 میں 17 (ایک موت) کیسز پائے گئے۔