جموں وکشمیر کا سب سے لمبا فلائی اوور مکمل

سری نگر 30؍ اکتوبر۔ ۔جموں وکشمیر میں سب سے لمبا فلائی اوور جموں میں زیر تعمیر ہے۔4.6کلومیٹر لمبے اِس فلائی اوور کابیشتر کام مکمل ہوچکا ہے ۔یہ میگا پروجیکٹ جموں اکھنور سڑک پر تعمیر کیاجارہا ہے جوکہ کنال ہیڈ سے گنش ویہار مٹھی نزدیک ڈائریکٹوریٹ آف اسکول ایجوکیشن جموں تک جو مکمل ہے البتہ سرکاری طور اِس کو عوام کے نام وقف نہیں کیاگیا۔تعمیراتی ایجنسی کو حکومت ِ ہند کی کسی قد آور شخصیت کا انتظار ہے جوکہ اِس کا باقاعدہ افتتاح کرے۔ مرکزی وزارت روڈ وار ہائی ویز کے ماتحت انفراسٹریکچر ڈولپمنٹ کارپوریشن لمیٹیڈ نامی کمپنی جموں۔ اکھنور سڑک کے توسیع پروجیکٹ کا کام کر رہی ہے جس کی مجموعی لاگت 1345کروڑ روپے ہے اور اس کو چار پیکیجز میں تقسیم کیاگیاہے۔ فلائی اوور پیکیج دوم کے تحت تعمیر کیاگیا ہے جبکہ پیکیج سوم کے تحت 20کے حصہ پر ساٹھ فیصد کام ہوچکا ہے۔ پروجیکٹ مانیٹرنگ یونٹ جموں اکھنور کے جنرل منیجر ایس پی سنگوان نے ملاپ نیوز نیٹ ورک کو بتایاکہ جموں وکشمیر کا سب سے لمبے کنال ہیڈ تاگنیش ویہار مٹھی فلائی اوور کو بہت تیزی سے مکمل کیاگیاہے اور اِس پر ایک بھی حادثہ پیش نہیں آیا اور یہ کام ٹریفک نقل وحمل کے جاری وساری رہنے کے بیچ ہی کیاگیا۔ نومبر2018میں تعمیراتی کام شروع کیاگیاتھا جوکہ تقریباًدو سال تک مفلوج رہا کیونکہ پلوڑہ کے چند گاو ¿ں کے لوگ عدالت عالیہ چلے گئے تھے۔ جنوری2021میں فلائی اوور کی اراضی منتقل کی گئی ۔ عالمگیر کویڈ وبا کی وجہ سے افرادی قوت اور میٹریل ، ویلڈنگ کی غرض سے آکسیجن سلنڈرز کی کمی کے باوجود کمپنی نے پورا کام 15ستمبر2022تک مکمل کر لیاگیا۔ اس دوران ڈھانچوں کا انہدام، پانی سپلائی لائن کی منتقلی، زیر زمین 11اور33کے وی ایچ ٹی لائن کی کیبلنگ کی شفٹنگ اہم کام تھے۔ یہ کام ایم /ایس سنگہلا کنسٹریکشن کمپنی کو الاٹ تھا جس نے 274کروڑ روپے کی لاگت سے 4.6کلومیٹر لمبے فلائی آور کی تعمیر کی جوکہ آٹھ لین بشمول چار سروس لینز پر مشتمل ہے۔