لالبازا رسری نگر میں شام کے وقت لوگوں کو لوٹنے والے گروہ بے نقاب

سری نگر میں دو بھتہ خور گرفتار، نقلی پستول، خنجر، موبائیل فون اور دیگر قیمتی اشیاءضبط /پولیس
سری نگر پولیس نے ضلع کے لالبازار علاقے میں دو بھتہ خوروں کو نقلی پستول، خنجر اور دیگر قیمتی اشیاءکے ساتھ گرفتار کرکے سلاخوں کے پیچھے دھکیل دیا۔اطلاعات کے مطابق پولیس کے ایک ترجمان نے بتایا کہ لالبازار پولیس تھانہ میں سید عباس حسین ولد شوکت حسین ساکن بھگوان پورہ لالبازار نے بتایا کہ 11اور 12اکتو بر کی درمیانی شب کو گھر کی طرف جانے کے دوران کچھ لوگوں نے راستے میں روک لیا۔ انہوں نے بتایا کہ آلٹو کار میں سوار میں دو نامعلوم افراد نے اُنہیں مولوی ستاپ لالبازار سے ڈرا دھمکا کر نالہ بل لے گئے۔ اُن کے مطابق ان میں سے ایک کے پاس پستول، خنجر تھا اور ڈرا دھمکا کر کچھ نقدی اور قیمتی سامان لوٹ کرچلے گئے۔ پولیس ترجمان کے مطابق شکایت کے بعد پولیس نے کیس درج کرکے تحقیقات شروع کی ۔ انہوں نے بتایا کہ پولیس نے ایس ڈی پی او حضرت بل اظہر رشید ، ایس ایچ او لالبازار کی زیر نگرانی ایک خصوصی ٹیم تشکیل دی جنہوں نے ٹیکنیکی اور انسانی وسائل کو بروئے کار لا کر بھتہ خوری میں ملوث دو ملزمان کو حراست میں لیا۔ ملزمان کی شناخت ارسلان منظور ڈار ولد منظور احمد ڈار اور باسط بشیر ولد بشیر احمد ڈار کے بطور ہوئی اور دونوں اونتہ بھون سری نگر کے ساکن ہیں۔ پولیس نے بتایا کہ ملزمان کے قبضے سے ایک نقلی پستول ، خنجر ، موبائیل فون اور دیگر قیمتی سامان برآمد کرکے ضبط کیا گیا۔