وادی کے سبھی اضلاع میں سیکورٹی فورسز کو الرٹ پر رکھا گیا ہے/آئی جی کشمیر

آئی جی کشمیر کا کہنا ہے کہ وادی کشمیر میں یوم جمہوریہ کی تقریبات کو بہ احسن خوبی پاتیہ تکمیل تک پہنچانے کی خاطر سیکورٹی کے سخت ترین انتظامات کئے گئے ہیں۔ انہوںنے بتایا کہ وادی کے سبھی اضلاع میں سیکورٹی فورسز کو الرٹ پر رہنے کے احکامات صادر کئے گئے ہیں۔ شیر کشمیر کرکٹ اسٹیڈیم میں یوم جمہوریہ کی مناسبت سے منعقدہ فل ڈرس ریہرسل پریڈ کے بعد نامہ نگاروں سے بات چیت کے دوران آئی جی کشمیر نے بتایا کہ سرینگر کے ساتھ ساتھ وادی کے دیگر اضلاع میں بھی سیکورٹی کے غیر معمولی انتظامات کئے گئے ہیں۔ انہوںنے کہاکہ شہر سرینگر میں ڈرون کیمروں کے ذریعے مشکوک افراد پر نظر گزر رکھی جارہی ہیں۔ انہوںنے بتایا کہ یوم جمہوریہ کی تقریبات کو بہ احسن خوبی پایہ تکمیل تک پہنچانے کی خاطر تمام تر انتظامات کئے گئے ہیں۔ انہوں نے کہاکہ حساس علاقوں میں اضافی اہلکاروں کی تعیناتی عمل میں لائی گئی ہیں۔ اُن کے مطابق امن و قانون کی صورتحال کو برقرار رکھنے کی خاطر سبھی انتظامات مکمل کئے گئے ہیں۔