عشمقام میں نقب زنوں نے لاکھوں روپے مالیت کے زیورات اور نقدی اڑا لی

جنوبی ضلع اننت ناگ میں نقب زنی کی بڑھتے واقعات کے بیچ چندری گام عشمقام میں تین رہائشی مکانوں پر ڈاکہ ڈال کر وہاں سے لاکھوں روپے مالیت کے زیوررات اور نقدی اڑا لی ہے ۔ جمعرات اور جمعہ کی درمیانی رات کو نقب زنوں نے عبد الطیف میر ولد عبد الرحمان میر ، خورشید احمد بٹ ولد عبد الرحمان بٹ اور غلام محمد بٹ ساکنان چندری گام عشمقام کے رہائشی مکانوں میں گھس کر وہاں نقب زنی انجام دی ۔ انہوں نے بتایا کہ نقب زنوں نے رات کی تاریکی میںمکانوں میں داخل ہوکر وہاں سے لاکھوں روپے مالیت کا سامان اڑا لیا ۔ بتایا جاتا ہے کہ نقب زنوں نے تینوں مکانوں میںموجود لاکھوں روپے مالیت کے زیورات اور نقدی اڑا لی ۔ نمائندے نے بتایا کہ جونہی افراد خانہ صبح سویرے نیند سے جاگ گئے تو انہوں نے وہاں مکمل طور پر صفایا دیکھا ۔ نقب زنی کے بڑھتے واقعات کے خلاف مقامی لوگوں نے احتجاج کرتے ہوئے الزام عائد کیا کہ علاقے میں چوری کی وارداتوں میں اضافہ ہو گیا ہے جس کے نتیجے میںلوگوں کا جینا محال ہو گیا ہے اور ان کی نیند یں اڑ گئی ہے ۔ انہوں نے مطالبہ کیا کہ نقب زنوں کے خلاف کارروائی عمل میںلائی جائے اورچوری شدہ مال جلد از جلد بر آمد کرنے کیلئے کارروائی شروع کر دی جائے ۔