ڈویژنل کمشنر کشمیر نے بارہمولہ کا دورہ کیا

مہاجر ملازمین کے ٹرنزنٹ کیمپ میں مکینوں سے بات چیت کی
ملازمین کو ہر ممکن بنیادی سہولیات بہم رکنے کی افسران کو موقعے پر ہدایت
سرینگر/ڈویژنل کمشنر کشمیر نے سنیچر کو بارہمولہ کا دورہ کیا جہاں انہوںنے چنار کارپس کی جانب سے چلائے جارہے ووکیشنل تربیتی سنٹرل کا معائینہ کیا جہاں مقامی نوجوانوں کو مختلف ہنروں کی تربیت کی جاتی ہے تاکہ وہ خود روزگار حاصل کرسکیں۔ اس موقعے پر ڈویژنل کمشنر نے سنٹر میں تربیت حاصل کرنے والے افراد کے ساتھ گفتگو کی ۔ ایک سرکاری بیان کے مطابق ڈویژنل کمشنر کشمیروجے کمار بدھوری نے انسپکٹر جنرل آف پولیس کشمیرودھی کمار بردی اور ڈپٹی کمشنر بارہمولہ، منگا شیرپا کے ہمراہ سنیچر وار کو چنار 9 جوان کلب بارہمولہ میں ہنر مندی کے لیے فوج کے زیر انتظام پیشہ ورانہ تربیتی مرکز کا دورہ کیا۔ ووکیشنل ٹریننگ سنٹر چنار کور کے ذریعے مقامی نوجوانوں کی مہارتوں کو نکھارنے کے لیے چلایا جاتا ہے تاکہ بے روزگار نوجوانوں کے لیے روزگار کے مواقع فراہم کیے جائیں اور خود روزگار کی راہیں کھلیں۔انسٹی ٹیوٹ کے دورے کے دوران ڈویژنل کمشنر نے ووکیشنل سنٹر میں زیر تربیت نوجوان افراد کے ساتھ بات چیت کی اور نوجوانوں کے نقطہ نظر اور ان کی خواہش کو بھی سنا۔ دریں اثناءانہوں نے مائیگرنٹ ملازمین کے لیے فتح پورہ اور ویرون ٹرانزٹ رہائش گاہ کا دورہ کیا اور بلاتعطل پانی کی فراہمی، صفائی کی مناسب سہولیات، بجلی کی فراہمی، بہتر اندرونی سڑکیں، اور دیگر خدمات کی فراہمی سمیت سہولیات کا جائزہ لیا۔ بدھوری نے کالونی کے مکینوں کے ساتھ ذاتی طور پر بات چیت کی تاکہ ان کے مسائل اور مطالبات سنیں اور انہیں یقین دلایا کہ انتظامیہ ان کے مجموعی زندگی کے تجربے کو بہتر بنانے کے لیے اقدامات کو نافذ کرنے کے لیے پرعزم ہے۔دریں اثنا ڈویژن کمشنر نے فوری طور پر افسران کو موقع پر ہدایات جاری کیں کہ تمام ضروری انتظامات کو یقینی بنایا جائے اور کالونی کے اندر کنبوں کے معیار زندگی کوبہتر بنانے کے لیے تمام جاری کاموں کو مقررہ مدت میں مکمل کیا جائے۔