کپوارہ میں آتشزدگی، 2 رہائشی مکان اور ایک گاﺅ خانہ خاکستر

شمالی کشمیر کے ضلع کپوارہ کے ڈوبن کچہ ہامہ گاﺅں میں دوران شب آگ کی ایک واردات میں دو رہائشی مکان اور ایک گاﺅ خانہ خاکستر ہوگیا۔تفصیلات کے مطابق کپوارہ کے ڈوبن کچہ ہامہ گاﺅں میں دوران شب ایک رہائشی مکان سے آگ نمودار ہوئی جس کے شعلوں نے متصل ہی واقع ایک اور مکان اور گاﺅ خانے کو اپنی لپیٹ میں لے لیا۔انہوں نے بتایا کہ آگ کی اس واردات میں دو مکان اور گاﺅ خانہ خاکستر ہوگیا۔تاہم اس واردات میں کسی جانی نقصان کی کوئی اطلاع نہیں ہے۔حکام کے مطابق آگ لگنے کی وجہ معلوم کی جا رہی ہے۔