بحریہ کے سربراہ ایڈمرل دنیش کے ترپاٹھی  بنگلہ دیش کے پانچ  روزہ  دور پر

 ڈھاکہ/۔بحریہ کے سربراہ ایڈمرل دنیش کے ترپاٹھی نے اتوار کو بنگلہ دیش کے اہم پانچ روزہ دورے کا آغاز کیا، جس کا مقصد دو طرفہ دفاعی مصروفیات کو مضبوط بنانا اور بحری تعاون کے نئے مواقع تلاش کرنا ہے۔یہ دورہ بنگلہ دیشی وزیر اعظم شیخ حسینہ کے ہندوستان کے دورے کے بعد ہے، جس کے دوران دونوں ممالک نے اپنے دفاعی اور تزویراتی تعلقات کو بڑھانے کا عہد کیا۔ایڈمرل ترپاٹھی، دو ماہ قبل کمان سنبھالنے کے بعد اپنے پہلے سرکاری غیر ملکی دورے پر، اپنے بنگلہ دیشی ہم منصب ایڈمرل ایم نظم الحسن اور دیگر اہم فوجی حکام کے ساتھ جامع بات چیت کریں گے۔ ان کے سفر کے پروگرام میں بنگلہ دیش نیول اکیڈمی میں پاسنگ آؤٹ پریڈ کا جائزہ لینا اور ڈھاکہ میں نیشنل ڈیفنس کالج سے خطاب کرنا شامل ہے۔سی این ایس اپنے ہم منصب ایڈمرل ایم نظم الحسن، چیف آف دی نیول اسٹاف، بنگلہ دیش بحریہ کے ساتھ ڈھاکہ میں دو طرفہ بات چیت کریںگے، اور 04 جولائی کو چٹاگانگ میں بنگلہ دیش نیول اکیڈمی  میں ہونے والی پاسنگ آؤٹ پریڈ کا بھی جائزہ لے گا۔دورے کے دوران سی این ایس جنرل وقار الزمان (چیف آف آرمی اسٹاف، بنگلہ دیش آرمی)، ایئر مارشل حسن محمود خان (چیف آف دی ایئر اسٹاف، بنگلہ دیش ایئر فورس)، لیفٹیننٹ جنرل میزان الرحمان کے ساتھ دو طرفہ بات چیت بھی  کریں گے۔  سی این ایس نیشنل ڈیفنس کالج، ڈھاکہ میں شرکاء سے خطاب بھی  کریں گے اور چند اہم دفاعی تنصیبات کا دورہ بھی کریں گے۔