اگر عورت ہوتی تو کیا گھر جلا دیتے؟ رنویر سنگھ کے عریاں فوٹو شوٹ پر بھڑ کیں ٹی ایم سی ایم پی ممی چکرورتی
بالی وڈ ڈیسک: بالی وڈ اداکار رنویر سنگھ ان دنوں اپنے عریاں فوٹو شوٹ کی وجہ سے سوشل میڈیا پر خوب ٹرول ہو رہے ہیں۔ انٹرنیٹ پر صارفین رنویر سنگھ کے عریاں فوٹو شوٹ کی میمز بناکر خوب شیئر کر رہے ہیں۔
دراصل، حال ہی میں رنویر سنگھ نے پیپر میگزین کے لیے ایک تازہ ترین فوٹوشوٹ کرایا ہے جس میں وہ مکمل طور پر عریاں ہیں۔ دوسری جانب بنگالی فلم اداکارہ اور ایم پی ممی چکرورتی نے اس فوٹو شوٹ پر بڑا سوال پوچھ لیا ہے کہ اگر رنویر کی جگہ کوئی خاتون ہوتی تو کیا ہوتا؟
ممی نے ٹویٹ کر کے سوال کیا کہ رنویر سنگھ کے تازہ فوٹو شوٹ نے انٹرنیٹ پر تہلکا مچا دیا ہے اور زیادہ تر تبصرے فائر( آگ والا ایموجی) ہیں۔ بس یہ سوچ رہی ہوں کہ اگر اس میں کوئی عورت ہوتی کیاتب بھی ایسا ہی تعریف ہوتی یا پھر کیا آپ اس کا گھر جلادیتے ، مورچہ نکالتے، اسے جان سے مارنے کی دھمکی دیتے اور اس کی بے عزتی کرتے۔مزید، ممی چکرورتی نے لکھا، ‘ہم ہمیشہ برابری کی بات کرتے ہیں۔ وہ اب کہاں ہیں؟ آپ جانتے ہیں کہ آپ کا رویہ یا تو کچھ بدل سکتا ہے یا اسے مکمل طور پر تباہ کر سکتا ہے۔ وہیں دوسری جانب رنویر کے عریاں فوٹو شوٹ پر صارفین سوشل میڈیا پر خوب لطف اندوز ہو رہے ہیں۔ سوشل میڈیا صارفین اور بھی ردعمل دے رہے ہیں۔
