بالی ووڈ اداکار سونو سود کے ممبئی آٓفس پہنچی انکم ٹیکس محکمہ کی ٹیم

سونوسود کے ممبئی آفس پر انکم ٹیکس محکمہ نے سروے کیا ہے۔ خبر ہے کہ چھ الگ الگ علاقوں میں یہ چھاپہ ماری کی گئی ہے۔ بتادیں کہ گزشتہ ماہ ہی سونو سود کو دہلی سرکار نے اسکولی بچوں کیلئے شروع کئے مینٹرشپ پروگرام کا برانڈ امبیسڈر بنایا ہے۔غور طلب ہے کہ گزشتہ ماہ اگست میں دہلی کے وزیر اعلی اروند کیجریوال سے سونو سود کی ملاقات ہوئی تھی۔ اس ملاقات کے بعد وزیر اعلی کیجریوال اور اداکار سونو سود نے مشترکہ طور پر میڈیا سے بھی خطاب کیا تھا۔ وزیر اعلی کیجریوال نے کہا تھا کہ سونو سود دہلی حکومت کے خاص پروگرام ‘دیش کے مینٹرس’ کا برانڈ امبیسڈر بننے کیلئے تیار ہوگئے ہیں۔