دھارت نوشہرہ میں نئی شاخ اور جموں میں کیش ریسائکلر مشین (CRM) وقف
سری نگر/ڈیجیٹل چینلز کے ذریعے بینکنگ کی آسانی کو آگے بڑھاتے ہوئے اور بینکنگ آو¿ٹ لیٹس تک رسائی نہ ہونے پر، جے اینڈ کے بینک نے نوشہرہ راجوری کے ایک گاﺅں دھارت میں نئی برانچ شروع کی جبکہ ۔ جموں میں سندر بنی، ڈوڈا اور باری برہمن میںکیش ری سائیکلر مشینیں (CRM) وقف کیں۔ڈپٹی کمشنر (ڈوڈہ) ویش پال مہاجن (کے اے ایس) نے ڈوڈہ میں سی آر ایم کا افتتاح ،زونل ہیڈ (ڈوڈہ/ کشتواڑ) فیاض احمدبٹ، برانچ مینیجر ستپال سنگھ کی موجودگی میں بڑی تعداد میں لوگوں اور بینک کے معزز صارفین کے درمیان کیا۔اس موقع پر خطاب کرتے ہوئے ڈی سی ڈوڈا نے علاقے کے لوگوں کو ہائی ٹیک بینکنگ کی سہولت فراہم کرنے پر بینک کی تعریف کی اور عوام سے اپیل کی کہ وہ اپنی سہولت کے مطابق بینکنگ خدمات سے استفادہ کریں۔زونل ہیڈ فیاض احمد بٹ نے اس بات کا اعادہ کیا کہ بینک کی توجہ اپنے ڈیجیٹل اور متبادل چینلز کے بنیادی ڈھانچے کو پھیلانا ہے تاکہ بینکنگ میں آسانی کے ذریعے صارفین کی سہولت کو یقینی بنایا جا سکے۔دریں اثنا، زونل ہیڈ (راجوری/پونچھ) ستیش کمار نے نوشہرہ میں برانچ کا افتتاح برانچ منیجر شیوالک تولی کی موجودگی میں منتخب عوامی نمائندہ سنگیتا شرما کے ساتھ برانچ کے احاطے میں صارفین کے اجتماع کے درمیان کیا۔ا س موقعے پر عوام سے مالیاتی خدمات حاصل کرنے کی اپیل کرتے ہوئے، زونل ہیڈ نے کہا کہ ذمہ دار مالیاتی ادارے کے طور پر، ہمارا کردار ہر جگہ کاروبار میں آسانی اور صارفین کے آرام کو یقینی بنا کر لوگوں کو معاشی طور پر بااختیار بنانا ہے۔ انہوں نے لوگوں کو برانچ میں بہترین خدمات کی یقین دہانی کرائی۔ اس موقع پر انہوں نے راجوری کے سندر بنی میں ایک نئے CRM کا بھی ای-افتتاح کیا۔مزید برآں، بینک کے زونل ہیڈ (کٹھوعہ) سنجیو کمار نے کلسٹر ہیڈ (سامبا) سنجے کمار بیلو کی موجودگی میں باری برہمنہ میں CRM کا افتتاح کیا ۔اس موقع پر لوگوں کو ڈیجیٹل بینکنگ کے فوائد سے آگاہ کرتے ہوئے زونل ہیڈ نے ان پر زور دیا کہ وہ بینک کے ڈیجیٹل پلیٹ فارم کو استعمال کریں۔قابل ذکر بات یہ ہے کہ ان تمام علاقوں کے رہائشیوں نے بینک کی ان کوششوں کو سراہا جس کا مقصد لوگوں کے لیے ان کے مقام اور حیثیت سے قطع نظر بینکنگ خدمات کو آسان اور قابل رسائی بنانا ہے۔
