ایل جی سنہا نے جموں میں 6ویں  جے اینڈ  کے زرعی سائنس کانگریس کے افتتاحی اجلاس سے خطاب کیا

 جموں۔8؍ فروری۔ ایم  این این۔ جموںو کشمیر کے لیفٹیننٹ گورنر منوج سنہا نے جمعرات کو SKUAST جموں میں 6ویں  جے اینڈ کے  زرعی سائنس کانگریس کے افتتاحی اجلاس سے خطاب کیا۔انہوں نے یونیورسٹی کے انٹرنیشنل ہاسٹل کا بھی افتتاح کیا۔لیفٹیننٹ گورنر نے زرعی یونیورسٹیوں کو ہدایت دی کہ وہ چھوٹے اور پسماندہ کسانوں کے لیے تنوع، ویلیو ایڈیشن، سپلائی چین مینجمنٹ اور منافع بخش مارکیٹ لنکیج کے لیے حکمت عملی تیار کریں۔” انہوں نے کہا کہ جموںو کشمیر  میں متنوع زرعی موسمیاتی زون ہیں جو فارم کی سطح کے تنوع کو اپنانے کی کافی گنجائش فراہم کرتے ہیں۔ اس سائنسی حل کے ساتھ، ہم موسمیاتی تبدیلی کے اثرات کو کم کر سکتے ہیں اور زمین کے ایک ہی ٹکڑے سے زیادہ زرعی آمدنی حاصل کرنے کے قابل ہو جائیں    گے۔سنہا نے کہا کہ حکومت نے بہت سے اقدامات شروع کیے ہیں جن میں ایچ اے ڈی ، اعلی کثافت کے پودے لگانے، مخصوص مصنوعات کے لیے جی آئی ٹیگز، زرعی کاروبار، نئے   ایف پی اوز اور کسانوں کی مدد کے لیے ایک تکنیکی مرکز کے طور پر تعلیمی اداروں کو ترقی دینا شامل ہیں۔