ایس ٹی ڈی نے جموں میں ’ جی ایس ٹی کی عمل آوری میں اِختیار کئے گئے بہترین طرزِ عمل“ پرمباحثے سیشن منعقد کیا

سٹیٹ ٹیکسز ڈیپارٹمنٹ نے آج جاری جی ایس ٹی ہفتہ تقریبات کے ایک حصے کے طور پر ” جی ایس ٹی کی عمل آوری میں اِختیار کئے گئے بہترین طرزِ عمل“ کے موضوع پر ایک مباحثے سیشن کی میزبانی کی۔ڈپٹی کمشنر اپیلز شازیہ کوثر نے مباحثے سیشن کی صدارت کی اور اِس میں سٹیٹ ٹیکس اَفسروں نے شرکت کی۔ سیشن نے جموں وکشمیر میں جی ایس ٹی کی عمل آوری کی کارکردگی اور تاثیر کو بڑھانے کے لئے اِجتماعی عزم کا اِظہا ر کیا۔مباحثے سیشن کا مقصد سٹیٹ ٹیکس اَفسروںکے درمیان علم کے اشتراک اور تجربے کے تبادلے کو فروغ دینا تھا اور جی ایس ٹی اِنتظامیہ میں کامیاب ہونے والے بہترین طریقوں پر بات چیت کرنے کے لئے ایک پلیٹ فارم فراہم کرنا تھا۔پورے سیشن میں سٹیٹ ٹیکسز اَفسروں نے کیس سٹیڈیز ، کامیابی کی داستانیں پیش کیں ،اَپنے اَپنے حلقوں میں اَپنائے گئے منفرد طریقوں کو اُجاگر کیا۔سٹیٹ ٹیکس آفیسر اَروند سا ہنی نے سیشن کے دوران جی ایس ٹی آئی این کے جاری ہونے کے بعد کم سے کم چھ ماہ تک رجسٹریشن کے خواہاں یونٹوں کو ٹریک کر کے جعلی جی ایس ٹی رجسٹریشن کا پتہ لگانے کا ایک اہم مشاہدہ کیا۔جعلی رجسٹریشن پر نظر رکھنے کے لئے سٹیٹ ٹیکس آفیسر نیرج شرما نے رائے دی کہ جی ایس ٹی رجسٹریشن کے لئے درخواست کی فیس ہونی چاہیے۔دوران سیشن تمام سٹیٹ ٹیکس اَفسران سٹیٹ میں جی ایس ٹی کی عمل آوری کو مزید بہتر بنانے کے لئے معلومات ، چیلنجوں او رحل کے بارے میںمحو گفتگو میں مصروف رہے۔اِس موقعہ پر سٹیٹ ٹیکسز محکمہ کے اَفسروں نے اِس کامیاب مباحثے سیشن کے اِنعقاد کے لئے کمشنر سٹیٹ ٹیکسز رشمی سنگھ اور ایڈیشنل کمشنر سٹیٹ ٹیکس نمرتا ڈوگرا کا شکریہ اَدا کیا۔