کیا پرینکا چوپڑا اور نک جونس دوسرے بچے کی تیاری کر رہے ہیں؟

حیدرآباد (تلنگانہ): گلوبل اسٹار پرینکا چوپڑا اور ان کے امریکی شوہر نک جونس نے ابھی تک اپنی بیٹی مالتی میری چوپڑا جونس کا اپنے مداحوں سے تعارف بھی نہیں کروایا تھا کہ اب اس جوڑے نے اپنے دوسرے بچے کی پیدائش کی منصوبہ بندی شروع کردی ہے۔ اب جوڑے کے بارے میں یہ خبر جنگل کی آگ کی طرح پھیل گئی ہے۔چوپڑا اور جونس، جو دسمبر 2018 میں جودھ پور میں شادی کے بندھن میں بندھے تھے، سروگیسی کے ذریعے اپنے دوسرے بچے کی منصوبہ بندی کر رہے ہیں۔ اگر رپورٹ پر یقین کیا جائے تو نک یہ نہیں چاہتے کہ ان کے بچوں کی عمر میں طویل فرق ہو۔ پرینکا اور نک چاہتے ہیں کہ مالتی کا ایک بہن یا بھائی ہو اور وہ جلد ہی دوسرے بچے کا استقبال کرنا چاہتے ہیں۔واضح رہے کہ پرینکا اور نک سروگیسی کے ذریعے ہی اپنے پہلے بچے کے والدین بنے ہیں۔ جنوری میں اس جوڑی نے اپنے اپنے انسٹاگرام اکاو¿نٹس پر یہ خبر شیئر کی۔ جوڑے نے آج تک اپنی بیٹی کا چہرہ مداحوں کو نہیں دکھایا ہے حالانکہ ان کی بیٹی اپنے والدین کے سوشل میڈیا ہینڈل پر کچھ پوسٹس میں نظر آئی ہیں جس کے چہرے کو پیاری ایموجیز سے چھپایا گیا ہے۔چوپڑا کو آخری بار ہالی ووڈ فلم دی میٹرکس ریسریکشنز میں بڑی اسکرین پر دیکھا گیا تھا، جو دسمبر 2021 میں دنیا بھر کے سینما گھروں میں ریلیز ہوئی تھی۔ ان کی آنے والی فلموں میں جم اسٹراو¿س کی ہدایت کاری میں بننے والی روم کام فلم ٹیکسٹ فار یو، ایمیزون تھرلر سیریز سیٹاڈیل، شامل ہے۔ اس کے علاوہ وہ اپنے شوہر کے ساتھ مل کر ایک سیریز سنگیت پروڈیوس کرنے والی ہیں۔ اس کے علاوہ وہ وہ ما آنند شیلا کی زندگی پر ایمیزون اسٹوڈیوز کے ساتھ مل کر ایک فلم بھی پروڈیوس کریں گی۔وہیں پرینکا بالی ووڈ فلم جی لے ذرا میں بھی نظر ا?نے والی ہیں، جس میں کترینہ کیف اور عالیہ بھٹ بھی اہم کردار میں ہونگی۔ اس کے ہدایت کار فرحان اختر ہیں۔