نڈ کو ہرایانئی دہلی: ہندوستانی خواتین ہاکی ٹیم نے برمنگھم کامن ویلتھ گیمس میں برانز میڈل جیت کر تاریخ رقم کردی۔ ہندوستان نے برانز میڈل میں گزشتہ چمپئن نیوزی لینڈ کو شوٹ آوٹ میں 1-2 شکست دی۔ ہندوستان کا کامن ویلتھ گیمس تاریخ میں اوور ا?ل یہ تیسرا میڈل ہے۔ اس سے پہلے ہندوستان نے سال 2002 میں گولڈ جیتا تھا جبکہ سال 2006 میں ہندوستانی ٹیم نے سلور پر قبضہ کیا تھا۔ ہندوستان کا موجودہ کامن ویلتھ گیمس میں یہ 41واں میڈل ہے۔ہندوستانی ٹیم میچ کے آخری لمحوں میں 0-1 سے آگے چل رہی تھی، لیکن آخری 30 سیکنڈ سے بھی کم وقت میں اس نے مخالف ٹیم کو پنالٹی کارنر دے دیا۔ یہ پنالٹی اسٹروک میں بدلا اور اولیویا میری نے نیوزی لینڈ کو برابری دلا دی، جس کے بعد مقابلہ شوٹ آوٹ میں کھینچ گیا۔ ہندوستان نے شوٹ آوٹ میں صبر برقرار رکھتے ہوئے جیت درج کی۔متنازعہ سیمی فائنل میں ا?سٹریلیا کے خلاف دل توڑنے والی شکست کے بعد اس مقابلے میں کھیل رہی ہندوستانی ٹیم نے پورے میچ کے دوران بہتر کارکردگی پیش کی اور میڈل اپنے نام کیا۔ سلیما ٹیٹے کے گول کی بدولت ہندوستان درمیانی وقت تک 0-1 سے آگے تھا۔اس سے پہلے، ہندوستانی ٹیم کو سیمی فائنل میں آسٹریلیا نے شوٹ آوٹ میں 0-3 سے شکست دے کر اسے گولڈ میڈل کے مقابلے سے باہر کر دیا تھا۔ سال 2002 میں ہندوستان نے فائنل میں انگلینڈ کو شکست دے کر چمپئن بنی تھی جبکہ 2006 میں ٹیم انڈیا کو فائنل میں ا?سٹریلیا نے شکست دی تھی۔