مرکزی وزیر جتیندر سنگھ ابوظہبی خلائی بحث میں شرکتکیلئے متحدہ عرب امارات جائیں گے

نئی دہلی، 4 دسمبر۔ /خلائی، سائنس اور ٹیکنالوجی کے مرکزی وزیر ڈاکٹر جتیندر سنگھ متحدہ عرب امارات کا دورہ کریں گے۔ وہ 5 دسمبر 2022 کو افتتاحی ابوظہبی خلائی مباحثے میں شرکت کرنے والے ہیں۔ ڈاکٹر  سنگھ اسرائیلی صدر اسحاق ہرزوگ کے ساتھ ابوظہبی خلائی مباحثے کی افتتاحی تقریب میں تقریر کریں گے۔ افتتاحی تقریب میں اپنے خطاب میں جتیندر سنگھ خلائی شعبے میں ہندوستان کی طرف سے کی گئی حالیہ پالیسی اصلاحات پر روشنی ڈالیں گے۔ وہ یو اے ای کے وزیر مملکت برائے خارجہ امور، بحرین کے وزیر خارجہ اور اسرائیل کے اعلیٰ ٹیکنالوجی کے وزیر کے ساتھ ‘خلائی سفارت کاری اور بین الاقوامی تعاون کو فعال بنانے میں خارجہ پالیسی کے کردار’ کے موضوع پر وزارتی پلینری میں بھی شرکت کریں گے۔ مرکزی وزیر ڈاکٹر جتیندر کے دورے پر روانگی سے قبل جاری ہونے والی ریلیز کے مطابق، دونوں ممالک کے درمیان دوطرفہ خلائی تعاون کو مزید مضبوط بنانے کے طریقوں پر تبادلہ خیال کرنے کے لیے متحدہ عرب امارات کی وزیر مملکت برائے اعلیٰ ٹیکنالوجی سارہ الامیری اور یو اے ای خلائی ایجنسی کی چیئرپرسن کے ساتھ سطحی بات چیتکریں گے۔ سنگھ 2016 میں، انڈین اسپیس ریسرچ آرگنائزیشن  اور  متحدہ عرب امارات کی  اسپیس ایجنسی  نے پرامن مقاصد کے لیے بیرونی خلا کی تلاش اور استعمال میں تعاون کے سلسلے میں ایک یادداشت مفاہمت  پر دستخط کیے تھے۔ قابل ذکر بات یہ ہے کہ متحدہ عرب امارات کا پہلا نینو سیٹلائٹ – ‘نیف -1’ جسے ماحولیاتی خلائی ڈیٹا اکٹھا کرنے کے لیے ڈیزائن کیا گیا تھا،  پی ایس ایل وی نے سری ہری کوٹا سے لانچ کیا تھا۔ پریس ریلیز کے مطابق، خلائی شعبے میں ہندوستان اور متحدہ عرب امارات کی "بے پناہ صلاحیت” ایک نئی جہت ہوگی۔ ڈاکٹر جتیندر سنگھ کے دورے پر روانگی سے پہلے کی ریلیز کے مطابق، متحدہ عرب امارات خطے میں ایک ابھرتی ہوئی خلائی طاقت ہے اور اس نے اپنے خلائی سفر کے گزشتہ 25 سالوں میں تیزی سے ترقی کی ہے۔ جولائی 2020 میں،   متحدہ عرب اماراتنے Hope Probe کے نام سے اپنا مریخ مشن شروع کیا جو فروری 2021 میں مریخ کے مدار میں داخل ہوا۔ متحدہ عرب امارات مریخ کا مشن شروع کرنے والا پہلا عرب اور دنیا کا چھٹا ملک ہے۔ متحدہ عرب امارات راشد روور یا ایمریٹس قمری مشن شروع کرنے کا منصوبہ بنا رہا ہے۔