سرینگر / یکم نومبر // سماج سے منشیات کو ختم کرنے کی کوششوں کو جاری رکھتے ہوئے، گاندربل میں پولیس نے دو منشیات فروش کو گرفتار کیا ہے اور اس کے قبضے سے ممنوعہ مادہ برآمد کیا ہے۔ پولیس اسٹیشن لار کی پولیس پارٹی نے تحصیل باغ کھرہامہ کے قریب ناکہ پردو افراد کو روک لیا اور تلاشی شروع کی ۔ دوران تلاشی اس کے قبضے سے700گرام بھنگ پتری برآمد کیا۔ ان کی شناخت عاقب نظیر وانی ولد نظیر احمد اور شمیم احمد بٹ ولد غلام نبی ساکن طلملہ گاندربل کے طور پر ہے انہیں گرفتار کر کے متعلقہ پولیس اسٹیشن منتقل کر دیا گیا ۔ اس مناسبت سے ایف آئی آر نمبر 64/2022کے تحت قانون کی متعلقہ دفعات کے تحت تھانہ لارمیں مقدمہ درج کر کے تفتیش شروع کر دی گئی ہے۔ کمیونٹی ممبران سے درخواست کی جاتی ہے کہ وہ اپنے پڑوس میں منشیات کی فروخت سے متعلق کسی بھی معلومات کے ساتھ آگے آئیں۔ منشیات فروشی میں ملوث پائے جانے والے افراد کے خلاف قانون کے مطابق کارروائی کی جائے گی۔