ہریانہ اور ممبئی کے درمیان کوارٹر فائنل کولکتہ میں ہوگا

ممبئی،/ ہریانہ اور ممبئی کے درمیان جمعہ کے روز کوارٹر فائنل میچ کو لاہلی کے بجائے کولکتہ منتقل کر دیا گیا ہے ۔ ہندوستان کے کرکٹ کنٹرول بورڈ (بی سی سی آئی) نے مقام میں تاخیر سے تبدیلی کے بارے میں مطلع کیا ہے ۔ تاہم بورڈ نے اس منتقلی کی وجہ نہیں بتائی ہے ۔ اس معاملے میں ہریانہ کرکٹ ایسوسی ایشن کے عہدیداروں کی طرف سے کوئی تبصرہ نہیں کیا گیا ہے ۔ ممبئی کرکٹ ایسوسی ایشن (ایم سی اے ) کو منگل کی شام بورڈ کی طرف سے مطلع کیے جانے کے بعد اب کولکتہ کے لیے ان کی پرواز کے انتظامات کرنے ہوں گے ۔ دونوں ٹیموں کے بدھ کی رات دیر گئے کولکتہ پہنچنے کی امید ہے ۔ ہریانہ کی طرح جموں و کشمیر کو بھی ہوم گرا¶نڈ پر کھیلنے کا فائدہ نہیں ملے گا کیونکہ کیرالہ کے خلاف کوارٹر فائنل جموں سے پونے اسٹیڈیم منتقل کردیا گیا ہے ۔ جموں و کشمیر کرکٹ ایسوسی ایشن (جے کے سی اے ) کو شدید سردی کی وجہ سے گرا¶نڈ کی حالت پر تشویش تھی اور اس نے بی سی سی آئی کو اس سے آگاہ کیا تھا۔ جے کے سی اے میچ کی میزبانی ممبئی یا احمد آباد میں کرنے کا خواہاں تھا لیکن یہ دونوں مقامات دستیاب نہ ہونے کے بعد اس میچ کی میزبانی پونے میں کرنے کا فیصلہ کیا گیا۔