پورے ملک کے لوگ مہنگائی سے پریشان

مودی حکومت آزادی کے بعد سے ملک کی سب سے بدعنوان حکومت : کجریوال
نئی دہلی، 29 اگست (یو این آئی) دہلی کے وزیر اعلی اروند کیجریوال نے آج کو کہا کہ مرکز کی مودی حکومت آزادی کے بعد سے ملک کی سب سے بدعنوان حکومت ہے۔ انہوں نے دہلی اسمبلی میں تحریک اعتماد پیش کی تاکہ یہ ثابت کیا جا سکے کہ انہیں اسمبلی میں مکمل اکثریت حاصل ہے ۔ وزیر اعظم نریندر مودی کا نام لیئے بغیر ان پر حملہ کرتے ہوئے ، عام آدمی پارٹی (اے اے پی) کے رہنما نے ایوان میں کہا، کہ لال قلعہ کی فصیل سے وہ بدعنوانی کے خلاف لڑائی کی بات کرتے ہیں لیکن بھارتیہ جنتا پارٹی (بی جے پی ) عام آدمی پارٹی ) آپ کے ایم ایل اے کو خریدنے کی کوشش کرتی ہے ۔ کیا یہ بدعنوانی کے خلاف لڑائی ہے ؟ ، مسٹر کیجریوال نے مرکز کی موجودہ حکومت پر ملک کی آزادی کے بعد سب سے بدعنوان حکومت ہونے کا الزام لگایا۔ "یہ ثابت کرنے کے لیے کہ دہلی میں بی جے پی کا ‘آپریشن لوٹس’ ناکام ہو گیا ہے ، میں اعتماد کی تحریک پیش کر رہا ہوں۔ AAP ایم ایل اے میں سے ہر ایک کو 20 کروڑ روپے کی پیشکش کے باوجود، بی جے پی آپ کے ایک ایم ایل اے کو بھی نہیں خرید سکی۔ ، مسٹر کیجریوال نے کہا کہ پورے ملک کے لوگ مہنگائی سے پریشان ہیں، لیکن بی جے پی تمام ضروری چیزوں پر ٹیکس بڑھا رہی ہے ۔ دودھ، دہی، آٹا اور چھاچھ اور دیگر خوردنی اشیا پر ٹیکس لگائے جا رہے ہیں۔ انہوں نے کہا کہ گجرات میں نوراتری کے دوران کئے جانے والے گربا ڈانس پر ٹیکس عائد کیا گیا ہے ۔