وزیر خارجہ جے شنکر نے آسیان ممالک کے ہم منصبوں کے ساتھ دو طرفہ ملاقاتیں  کیں

وینٹیانے/  وزیر برائے امور خارجہ ایس جے شنکر نے جمعرات کو فلپائن کے اپنے ہم منصب اینریک اے منالو اور ناروے کے ایسپین بارتھ ایدے سے آسیان اجلاس کے حاشیے پر ملاقات کی اور دو طرفہ تعاون اور ترجیحات کو مضبوط بنانے پر تبادلہ خیال کیا۔جے شنکر نے تیمور لیسٹے کے وزیر خارجہ بینڈیٹو فریٹاس اور نائب وزیر اعظم اور کمبوڈیا کے وزیر خارجہ سوک چنڈا سوفیا کے ساتھ بھی دو طرفہ ملاقاتیں کیں۔جے شنکر اور دیگر تمام رہنما آسیان فریم ورک کے تحت آسیان-انڈیا، ایسٹ ایشیا سمٹ (ای اے ایس) اور آسیان ریجنل فورم (اے آر ایف) کی شکل میں وزرائے خارجہ کی میٹنگوں میں شرکت کے لیے لاؤ پیپلز ڈیموکریٹک ریپبلک کے دارالحکومت میں ہیں۔جب کہ اپنے جنوبی ایشیائی ہم منصبوں کے ساتھ بات چیت زیادہ تر دو طرفہ تعلقات اور ہند بحرالکاہل کی جغرافیائی سیاسی صورتحال کے بارے میں تھی۔ انہوں نے ناروے کے رہنما سے ملاقات کے دوران آزاد تجارتی معاہدے  پر بھی تبادلہ خیال کیا۔یہ بتاتے ہوئے کہ وہ فلپائن کے اپنے دوست اینریک اے منالو سے مل کر "خوش ہوئے”، جے شنکر نے  ایکسپر ایک پوسٹ میں کہا کہہماری دونوں جمہوریتوں کے درمیان مضبوط تعاون اور ہند-بحرالکاہل میں شراکت داری پر تبادلہ خیال کیا۔کمبوڈیا کے  وزیر خارجہ  سوک چنڈا سوفیا سے مل کر خوشی ہوئی۔ ہمارے دوطرفہ تعلقات میں پیش رفت کو نوٹ کیا۔وزارت خارجہ نے ان کے دورے سے قبل نئی دہلی میں کہا کہ جے شنکر کا لاؤس کا دورہ خاص اہمیت کا حامل ہے کہ اس سال ہندوستان کی ایکٹ ایسٹ پالیسی کی دہائی ہے، جس کا اعلان وزیر اعظم نریندر مودی نے 2014 میں نویں مشرقی ایشیا اجلاس میں کیا تھا۔ جنوب مشرقی ایشیائی ممالک کے وزرائے خارجہ اور امریکہ اور چین جیسے اہم شراکت دار ممالک کے اعلیٰ سفارت کار تین روزہ اجلاس کے لیے یہاں جمع ہوئے ہیں۔ امریکی وزیر خارجہ انٹونی بلنکن اور چین کے وزیر خارجہ وانگ یی بھی شرکاء میں شامل ہیں۔