باران پتھر بٹہ مالو میںآگ کی واردات

ایک رہائشی مکان مکمل طور پر خاکستر، لاکھوں کی املاک تباہ
سرینگر/24اپریل/وی او آئی//بارن پتھر بٹہ سرینگر میں گزشتہ رات آگ کی ایک بھیانک واردات میں ایک رہائشی مکان مکمل طور پر تباہ ہوگیا ہے جس کی وجہ سے لاکھوں روپے مالیت کی املاک بھی خاکستر ہوچکی ہیں ۔ مکینوں نے جو کپڑے پہن رکھے تھے اس کے سوا کچھ بھی ان کی کوئی بھی چیز آگ نے نہیں چھوڑی ۔ وائس آف انڈیا کے مطابق باران پتھر بٹہ مالو سرینگر میں بدھ کی شام کو قریب 9بجے آگ کی ایک بھیانک واردات میں ایک رہائشی مکان تباہ ہوگیا ہے ۔ معلوم ہوا ہے کہ ریاض احمد وانی ولد غلام احمد وانی ساکن باران پتھر بٹہ مالو کے رہائشی مکان سے اچانک آگ نمودار ہوئی جس نے آنا فانا پورے مکان کو اپنی لپیٹ میں لے لیا۔ اس بیچ مقامی لوگوں اور فائر اینڈ ایمرجنسی عملہ نے آگ کو مزید پھیلنے کو روکتے ہوئے آگ پر کافی مشقت کے بعد قابو پالیا ۔ تاہم تب تک آگ نے اپنا کام کیا تھا اور مکان مکمل طور پر تباہ ہوگیا جبکہ مکینوں محفوظ رہے البتہ انہوںنے جو کپڑے پہن رکھے تھے وہی بچ گئے باقی ان کی تمام املاک جن میں نقدی اور جنس بھی شامل ہے قیمتی سامان ، بستر ، کپڑے ، برتن وغیرہ تمام سامان تباہ ہوگیا ہے ۔ دریں اثناءآگ لگنے کی وجہ فوری طور پر معلوم نہیں ہوسکی البتہ پولیس نے اس معاملے میں رپورٹ درج کرلی ہے ۔