بی ایس ایف نے  امرتسر میں چائنا ساختہ ڈرون برآمدکیا

امرتسر/بارڈر سیکیورٹی فورس (بی ایس ایف)کے دستوں نے پنجاب کے امرتسر ضلع میں چین کا بنا ہوا ڈرون برآمد کیا ہے۔ حکامکا کہنا تھا کہ چائنا ساختہ ڈرون ہردو رتن گاؤں کے ایک گھر کے باہر سے برآمد کیا گیا تھا۔ پبلک ریلیشن آفیسر، پنجاب فرنٹیئر، بی ایس ایف نے ایک بیان میں کہا، "7 مئی 2024 کو ڈرون کی موجودگی سے متعلق مخصوص معلومات کی بنیاد پر ضلع امرتسر کے سرحدی علاقے میں، بی ایس ایف کے دستوں نے فوری طور پر مشتبہ علاقے میں ایک وسیع تلاشی آپریشن شروع کیا۔تلاشی کے دوران، تقریباً 12:5 بجے، فوجیوں نے ضلع امرتسر کے گاؤں ہردو رتن میں ایک گھر کے باہر کے علاقے سے ایک ڈرون کو کامیابی کے ساتھ برآمد کیا۔ برآمد شدہ ڈرون کی شناخت چین کے ساختہ DJI Mavic 3 کلاسک کے طور پر کی گئی ہے۔ اس سے پہلے اتوار کے روز، بی ایس ایف نے ضلع امرتسر کے گاؤں رتن خورد سے متصل فصل کی کٹائی کے کھیت سے ٹوٹی ہوئی حالت میں ایک ڈرون برآمد کیا۔ اس سے قبل، 5 مئی کو صبح کے اوقات میں، گورداسپور ضلع کے ایک سرحدی گاؤں میں رہنے والے بی ایس ایف کے ایک سابق فوجی نے بی ایس ایف کے انٹیلی جنس ونگ کو سرحدی علاقے میں ڈرون کی موجودگی کی اطلاع دی۔ اطلاع کی بنیاد پر بی ایس ایف کے دستے موقع پر پہنچ گئے اور وسیع تلاشی آپریشن کیا۔