کرائم مسٹری فلم میں نظر آئیں گی کرینہ کپور

ممبئی، 5 فروری (یو این آئی) بالی ووڈ اداکارہ کرینہ کپور سجوئے گھوش کی کرائم مسٹری فلم میں نظر آئیں گی۔بالی ووڈ فلمساز سجوئے گھوش کرائم مسٹری فلم بنانے جا رہے ہیں۔بتایا جا رہا ہے کہ اس فلم میں کرینہ کپور مرکزی کردار ادا کریں گی۔یہ فلم کیگو ہیگاشینو کے ناول ’دا ڈیووشن آف سسپینکٹس ایکس‘ کا ہندی آڈاپشن ہے،۔کیگو ہیگاشینو کا یہ ناول ایک اکیلی ماں کی کہانی پر مبنی ہے جو غلطی سے اپنے سابق شوہر کو مار دیتی ہے۔سجوئے گھوش کی اس فلم میں کرینہ کپور کے ساتھ جے دیپ اہلاوت اور وجے ورما بھی اہم کرداروں میں نظر آئیں گے۔فلم رواں سال مارچ تک فلور پر جا سکتی ہے۔بتایا جا رہا ہے کہ کرینہ کپور نے اپنے کردار کی تیاری شروع کر دی ہے۔