اروناچل  کے   اومنگ ڈوڈمنے  اے ایف سی انڈر 17 ایشین کپ

کے لیے ہندوستان کے فائنل اسکواڈ میں جگہ بنائی
ایٹا نگر/ اروناچل پردیش وقتاً فوقتاً ایسے کھلاڑی پیدا کرتا رہا ہے جو قومی اور بین الاقوامی میدانوں میں اپنی شناخت بنا رہے ہیں۔اس بار، ریاست کے ہونہار فٹ بالر، اومنگ ڈوڈم، کو اے ایف سی انڈر 17 ایشین کپ، تھائی لینڈ، 2023 کے لیے ہندوستان کے آخری اسکواڈ میں منتخب کیا گیا ہے۔وہ ان 23 رکنی قومی ٹیم میں شامل ہیں جنہیں ایشیا کے سب سے باوقار فٹ بال ایونٹ کے لیے منتخب کیا گیا ہے۔ہندوستان کی انڈر 17 مردوں کی قومی ٹیم کے ہیڈ کوچ بیبیانو فرنینڈس نے منگل کو ٹیم کا اعلان کیا تھا جہاں اروناچل پردیش کے ابھرتے ہوئے فٹ بال اسٹار کو فخر کا مقام ملا ہے۔ہندوستان آئندہ 17 جون کو ویتنام کے خلاف ایشیا کپ کی مہم کا آغاز کرے گا۔اگلا میچ 20 جون کو ازبکستان کے خلاف ہے، جب کہ تیسرا اہم مقابلہ گروپ ڈی میں 23 جون کو جاپان کے خلاف ہوگا۔ٹورنامنٹ پاتھم تھانی اور بنکاک میں کھیلا جائے گا۔اومنگ اروناچل پردیش کے سابق پیشہ ور فٹ بالر کاج ڈوڈم اور مشرقی کامینگ ضلع کے بامینگ حلقہ میں ملورنگ (میورا)گاؤں کے مینی تیم ڈوڈم کا بیٹا ہے۔جہاں تک مقامی فٹ بال کا تعلق ہے، ساتویں ‘ انٹر فرنٹیئر فٹ بال ٹورنامنٹ’ میں پانچ ٹیمیں حصہ لے رہی ہیں