دہشت گردوں اور حمایتیوں کے خلاف سخت کارروائی انجام دی جائے

وزیر داخلہ امت شاہ کی صدارت میںجموں کشمیر سے متعلق حفاظتی صورتحال کی میٹنگ میں حفاظتی اداروں کو ہدایت
سرینگر/16جون//وزیر داخلہ امت شاہ نے نئی دلی میں جموں کشمیر سے متعلق حفاظتی صورتحال کا جائزہ لیا جس دوران انہوںنے حفاظتی اداروں کو ہدایت دی کہ وہ جموں کشمیر میں شدت پسندوں اور ان کے حامیوں کے خلاف حتمی کارروائی کرے ۔ اس موقعے پر انہوںنے مجوزہ سالانہ امرناتھ یاترا کےلئے کڑی چوکسی برتنے کی بھی ہدایت دی ۔ میٹنگ میں لیفٹیننٹ گورنر منوج سنہا ، دفاعی صلاحت کار اجیت ڈوول ، آرمی چیف منوج پانڈے ، ڈی جی پی آر آر سوائن اور دیگر حفاظتی اور خفیہ ایجنسیوں کے اعلیٰ عہدیدار موجود تھے ۔ وائس آف انڈیا کے مطابق مرکزی وزیر داخلہ امت شاہ نے اتوار کو جموں و کشمیر میں دہشت گردی کے واقعات کے بعد سیکورٹی صورتحال کا ایک جامع جائزہ لیا۔ امیت شاہ نے 29 جون کو شروع ہونے والی آئندہ امرناتھ یاترا کی تیاریوں کا بھی جائزہ لیا۔ذرائع نے تصدیق کی کہ وزیر داخلہ کو جموں و کشمیر کے موجودہ منظر نامے پر ایک تفصیلی بریفنگ ملی جہاں سیکورٹی فورسز آنے والے دنوں میں انسداد دہشت گردی کی کارروائیوں کو تیز کرنے کے لیے تیار ہیں۔یہ کارروائیاں وزیر اعظم نریندر مودی کی ہدایات کے مطابق ہوں گی، جو کہ نارتھ بلاک میں حال ہی میں ایک اعلیٰ سطحی میٹنگ کے دوران دی گئی تھیں، جس میں بیک ٹو بیک دہشت گردانہ حملوں کے بعد ”انسداد دہشت گردی کی صلاحیتوں کے مکمل اسپیکٹرم“ کو تعینات کرنے پر زور دیا گیا تھا۔ذرائع کے مطابق مرکزی وزیر داخلہ امت شاہ نے اتوار کو جموں و کشمیر پر ایک اعلیٰ سطحی سیکورٹی میٹنگ کی صدارت کی جس میں شری امرناتھا کی آئندہ سالانہ یاترا کے لئے سیکورٹی انتظامات اور "حالیہ حالات کے پیش نظر جموں خطہ میں موجودہ سیکورٹی صورتحال کا جائزہ لیا گیا۔ذرائع کے مطابق وزیر داخلہ امت شاہ نے جموں و کشمیر کے لیفٹیننٹ گورنر منوج سنہا اور یوٹی کے سیکورٹی اعلیٰ افسران کو ہدایت دی کہ ”جموں خطے میں ابھرتی ہوئی دہشت گردی کو کچل دیا جائے “اور یاترا کے لیے فول پروف سیکورٹی پر زور دیتے ہوئے کسی بھی قیمت پر اس کے احیاءکی اجازت نہ دی جائے۔ میٹنگ نئی دہلی میں ہوئی جس میں قومی سلامتی کے مشیر اجیت ڈوول ، ایل جی منوج سنہا ، چیف سکریٹری اتل دلو، ڈی جی پی آر آر سوین، وجے کمار، اے ڈی جی پی (ایل اینڈ او)، جموں و کشمیر کے سینئر فوجی افسران اور انٹیلی جنس افسران نے میٹنگ میں شرکت کی۔میٹنگ سے باخبر ذرائع نے بتایا کہ وزیر داخلہ شاہ نے دہشت گردانہ حملوں میں حالیہ اضافے کے تناظر میں جموں خطے میں سیکورٹی کی موجودہ صورتحال پر تفصیلی رپورٹ طلب کی۔ وزیر داخلہ کو جموں میں موجودہ سیکورٹی صورتحال کے بارے میں بریفنگ دی گئی