ملک کی افرادی قوت میں زیادہ سے زیادہ خواتین کی ضرورت ہے۔ سیتا رمن
نئی دہلی/ جی 20 اعلامیہ اور چندریان 3 خواتین کے "شاندار کام” کرنے کی مثالیں ہیں، لیکن "ہمیں افرادی قوت میں زیادہ سے زیادہ خواتین کی ضرورت ہے۔ مرکزی وزیر خزانہ نرملا سیتارامن نے جمعہ کو ایک انگریزی نیوز چینل کو دیئے خصوصی میں انٹر ویو میں یہ بات کہی۔ ان سے سوال کیا گیا کہ اپوزیشن اہم اقتصادی مسائل بشمول افرادی قوت میں خواتین کی گرتی ہوئی تعداد کو اٹھا رہی ہے، محترمہ سیتا رمن نے وزارت خزانہ کی ٹیم کی طرف اشارہ کرتے ہوئے جواب دیا جس نے G20 مذاکرات میں حصہ لیا اور ان خواتین کی طرف اشارہ کیا جنہوں نے ہندوستان کے تاریخی چاند مشن پر کام کیا۔ محترمہ سیتا رمن نے کہاکہ مجھے خوشی ہے کہ وہ اس سب کے بارے میں بات کرنا چاہتے ہیں… اور اگر وہ بات کرتے ہیں تو میں ان کے ساتھ بات چیت کرنے کے لیے پوری طرح تیار ہوں اور مجھے یقین ہے کہ اس حکومت میں موجود ہر شخص ہمارے ہاتھ میں حقائق کے ساتھ ان کا جواب دے گا۔خواتین مزدوروں کی شرکت صرف ہندوستان کے لیے ایک مسئلہ نہیں ہے… ہمیں افرادی قوت میں زیادہ سے زیادہ خواتین کو شامل کرنے کی ضرورت ہے۔ جب آپ نے چندریان -3 اور اس کی رہنمائی کرنے والی ٹیم کو مکمل طور پر خواتین کے ہوتے دیکھا… یہ ایک تحریک ہے۔ بہت سی ہندوستانی خواتین کے لیے… یہ تبدیلی کی طاقت ہے۔ انہوں نے بتایا کہ "مجھے فخر ہے کہ میری G20 ٹیم کی قیادت خواتین کر رہی تھیں۔ وزارت خزانہ کی ٹیم، جس میں زیادہ تر خواتین شامل ہیں، نے ایک شاندار کام کیا۔محترمہ سیتا رمن نے خود کو اس اور دیگر مسائل پر اپوزیشن کے ساتھ "مکمل طور پر مشغول” ہونے کا اعلان کیا، اور 18 مہینوں میں اپنی صفوں میں 10 لاکھ ملازمتیں بھرنے کے لیے حکومت کی مہم کا حوالہ دیا جو ہدایت وزیر اعظم نریندر مودی نے گزشتہ سال اکتوبر میں جاری کی تھی۔ انہوں نے کہا کہ ہم لوگوں کو ہنر مند بننے میں مدد کر رہے ہیں۔لہذا، اعداد و شمار کے ساتھ، ہم اپوزیشن کو یقینی طور پر جواب دے سکتے ہیں اس بارے میں کہ کس طرح مہنگائی کو کنٹرول کیا جا رہا ہے، کس طرح مزدوروں کی شرکت کو یقینی بنایا جا رہا ہے۔ ہر ماہ ہم مرکزی حکومت میں عہدوں کو بھرنے کے بارے میں کام کررہے ہیں۔وزیر خزانہ نے کہا، "10 لاکھ نوکریوں کا اعلان کیا جا رہا ہے اور تقریباً تین چوتھائی، تین چوتھائی سے زیادہ، پہلے ہی… لوگوں کو ملازمت کے خطوط دیے جا چکے ہیں۔اگرچہ یہ واضح نہیں ہے کہ تقسیم کیے گئے ملازمت کے خطوط میں سے کتنے خواتین کے لیے تھے۔