محکمہ موسمیات نے آئندہ 72 گھنٹوں کے دوران موسم ابر آلود رہنے کے بیچ بارشوں کی پیشگوئی کی

وادی کشمیر میں دن بھر کھلی دھوپ نکلنے سے جہاں دن کے درجہ حرات میں بہتری سے لوگوں نے لی راحت کی سانس لی تاہم رات بھر آسمان صاف رہنے کے نتیجے میں شبانہ درجہ حرارت میں کمی کا سلسلہ جاری ہے اورشہر آفاق گلمرگ او ر پہلگام میں بھی شبانہ درجہ حرارت منفی میں درج کیا گیا۔ادھر محکمہ موسمیات نے جموں و کشمیر میں اگلے 72 گھنٹوں کے دوران موسم ابر آلود رہنے کا امکان ظاہر کرتے ہوئے بالائی علاقوں میں کہیں کہیں بارشوں کی پیشگوئی کی ہے ۔ اطلاعات کے مطابق دن میں کھلی دھوپ نکالنے کے باعث وادی کشمیر میں بہار جیسے موسم سے لوگوں میں خوشی کی لہر لوٹ آئی ہے۔ شہر سرینگر سمیت وادی کے دیگر اضلاع میں درجہ حرارت کافی بہتر ہو گیا ہے ۔وادی کشمیر میں اگرچہ دن بھر دھوپ کھلی رہتی ہے تاہم مطلع صاف رہنے سے شبانہ درجہ حرارت نقطہ انجماد سے نیچے درج ہو رہا ہے۔محکمہ موسمیات کے مطابق وادی میں مطلع صاف رہنے سے شبانہ درجہ حرارت میں مزید گرواٹ درج ہوئی ہے۔محکمہ موسمیات کے مطابق خشک موسم کے بیچ شبانہ درجہ حرات میں مزید گراوٹ درج ہوئی ہے اور بیشتر مقامات پر درجہ حرارت نقطہ انجماد سے نیچے ریکارڈ ہوا ہے۔محکمہ موسمیات کے مطابق سرینگر میں شبانہ درجہ حرارت 0.8 ڈگری سینٹی گریڈ ریکارڈ کیا گیا جہاں گذشتہ شب کا کم سے کم درجہ حرارت1.4 ڈگری سینٹی گریڈ ریکارڈ ہوا تھا۔اسی طرح سے گلمرگ میں کم سے کم درجہ حرارت منفی5.8 ڈگری سینٹی گریڈ ریکارڈ کیا گیا جہاں گذشتہ شب کا کم سے کم درجہ حرارت منفی4.0 ڈگری سینٹی گریڈ ریکارڈ ہوا تھا۔وادی کے دوسرے مشہور سیاحتی مقام پہلگام میں کم سے کم درجہ حرارت منفی4.2 ڈگری سینٹی گریڈ ریکارڈ کیا گیا جہاں گذشتہ شب کا کم سے کم درجہ حرارت منفی3.4 ڈگری سینٹی گریڈ ریکارڈ ہوا تھا۔کپوارہ میں کم سے کم درجہ حرارت منفی0.2 ڈگری سینٹی گریڈ ریکارڈ کیا گیا جہاں گذشتہ شب کا کم سے کم درجہ حرارت 0.5 ڈگری سینٹی گریڈ ریکارڈ ہوا تھا۔قصبہ قاضی گنڈ میں کم سے کم درجہ حرارت منفی 1.0 ڈگری سینٹی گریڈ ریکارڈ کیا گیا جہاں گذشتہ شب کا کم سے کم درجہ حرارت 0.0 ڈگری سینٹی گریڈ ریکارڈ ہوا تھا۔لداخ یونین ٹریٹری کے ضلع لیہہ میں کم سے کم درجہ حرارت منفی10.4 ڈگری سینٹی گریڈ ریکارڈ کیا گیا جبکہ ضلع کرگل میں کم سے کم درجہ حرارت منفی14.0 ڈگری سینٹی گریڈ اور قصبہ دراس جو سائبیریا کے بعد دنیا کا دوسرا سرد ترین مقام ہے، میں کم سے کم درجہ حرارت منفی12.0 ڈگری سینٹی گریڈ ریکارڈ کیا گیا۔ادھر محکمہ موسمیات کے ایک ترجمان کی پیش گوئی کے مطابق جموں و کشمیر میں اگلے 72 گھنٹوں کے دوران موسم ابر آلود رہنے کا امکان ہے اور اس دوران بالائی علاقوں میں کہیں کہیں بارشیں بھی ہوسکتی ہیں۔انہوں نے کہا کہ وادی میں 19 فروری تک موسم بے ترتیب رہ سکتا ہے اور اس دوران موسم ابر آلود رہنے کا امکان ہے اور کہیں کہیں بارشیں بھی متوقع ہیں۔