پاکستان کے جوہری ہتھیاروں کوبین الاقوامی ایٹمی توانائی ایجنسی کی نگرانی میں رکھا جانا چاہئے: وزیر دفاع راج ناتھ سنگھ

موجودہ صورتحال مشکل اور حساس،پاکستان ایک غیر ذمہ دار اور بدمعاش ملک
 کہاآپریشن سندور ،ہندستان کی دہشت گردی کےخلاف اب تک کی سب سے دلیرانہ کارروائی ،کامیابی پرقوم کاسرفخر سے بلند
 ’بات چیت صرف دہشت گردی اورPoKکے بارے میں ہوگی، دہشت گردانہ حملہ اب جنگ کی کارروائی سمجھا جائے گا‘
سری نگر/ وزیر دفاع راج ناتھ سنگھ نے آپریشن سندور کوہندستان کی دہشت گردی کے خلاف اب تک کی سب سے دلیرانہ کارروائی قرار دیتے ہوئے جمعرات کویہ واضح کیاکہ بات چیت صرف دہشت گردی اورپاکستانی زیرقبضہ کشمیرکے بارے میں ہوگی۔موجودہ صورتحال کو مشکل اور حساس قرار دیتے ہوئے راجناتھ سنگھ نے کہا کہ میں فوجیوں کے درمیان موجود ہونے پر بہت فخر محسوس کرتاہوں۔وزیردفاع نے دوٹوک الفاظ میں کہاکہ ہندوستانی سرزمین پر کسی بھی دہشت گردانہ حملے کو اب جنگ کی کارروائی کے طور پر سمجھا جائے گا۔ وزیر دفاع راج ناتھ سنگھ نے پاکستان کے جوہری ہتھیاروں کی حفاظت پر سخت سوال اٹھاتے ہوئے اسے ایک’غیر ذمہ دار اور بدمعاش قوم‘ قرار دیا ۔انہوں نے کہا کہ پاکستان کے جوہری ہتھیاروں کو بین الاقوامی ایٹمی توانائی ایجنسی (IAEA) کی نگرانی میں لایا جانا چاہیے۔راجناتھ سنگھ نے بھارت کوعدم تشدد کاعلمبردار اور پاکستان کو دہشت گردی وتشددکاپیروکار قرار دیتے ہوئے اسلام آبادکوعالمی مالیاتی بینک کی جانب سے دئیے گئے قرضے کی طرف اشارہ کرتے ہوئے طنزیہ اندازمیں کہاکہ جہاں پاکستان کھڑا ہوتاہے ،وہاں سے لائن لگ جاتی ہے ۔جے کے این ایس کے مطابق جموں وکشمیرکے ایک روزہ دورے پر جمعرات کی صبح آرمی چیف جنرل اوپیندردویدی کے ہمراہ سری نگر پہنچنے کے بعدوزیردفاع راجناتھ سنگھ نے سری نگر کی بادامی باغ چھاو ¿نی میں فوجیوں سے خطاب کرتے ہوئے پاکستان کے جوہری ہتھیاروں کی حفاظت پر سخت سوال اٹھائے ۔انہوںنے بین الاقوامی برادری کو ایک سخت پیغام دیتے ہوئے کہاکہ میں پوری دنیا سے پوچھتا ہوں کی ایسی غیر ذمہ دار اور بدمعاش قوم(پاکستان) کےلئے جوہری ہتھیار رکھنا محفوظ ہے؟۔ وزیردفاع راجناتھ سنگھ نے کہاکہ میرا ماننا ہے کہ پاکستان کے جوہری ہتھیاروں کو بین الاقوامی ایٹمی توانائی ایجنسی (IAEA) کی نگرانی میں رکھا جانا چاہیے۔راجناتھ سنگھ نے بھارت کوعدم تشدد کاعلمبردار اور پاکستان کو دہشت گردی وتشددکاپیروکار قرار دیتے ہوئے اسلام آبادکوعالمی مالیاتی بینک کی جانب سے دئیے گئے قرضے کی طرف اشارہ کرتے ہوئے طنزیہ اندازمیں کہاکہ جہاں پاکستان کھڑا ہوتاہے ،وہاں سے لائن لگ جاتی ہے ۔راجناتھ سنگھ، جو جموں و کشمیر کے لیفٹیننٹ گورنر منوج سنہا اور وزیر اعلیٰ عمر عبداللہ کے ہمراہ تھے، نے آپریشن سندور میں ہندوستانی فوج کے کردار کی تعریف کی، جو کہ ایک حالیہ انسداد دہشت گردی آپریشن ہے جس نے قومی توجہ حاصل کی۔ انہوں نے فوجی جوانوں اورافسروں سے مخاطب ہوکر کہاکہ میں آپ کے درمیان ایسے ناگفتہ بہ حالات میں موجود ہونے پر فخر محسوس کرتا ہوں۔راجناتھ سنگھ نے کہاکہ آپریشن سندور ،ہندستان کی دہشت گردی کے خلاف اب تک کی سب سے دلیرانہ کارروائی ہے،جو ہندوستان کو فخر کامقام ہے۔انہوںنے مزیدکہاکہ ہندوستان دہشت گردی کے خاتمے کے لیے کسی بھی حد تک جائے گا۔وزیردفاع نے کہاکہ بات چیت صرف دہشت گردی اورپاکستانی زیرقبضہ کشمیرکے بارے میں ہوگی۔یہ بتاتے ہوئے کہ ہندوستان نے دکھایا ہے کہ جب وہ اپنی خودمختاری کے تحفظ کی بات آتی ہے تو وہ جرات مندانہ فیصلے کرنے سے نہیں ہچکچائے گا، وزیر دفاع راج ناتھ سنگھ نے انہوں نے پہلگام میں ہندوستان کی پیشانی پر زخم لگانے کی کوشش کی لیکن ہندوستان نے ان کے سینے پر وار کیا۔موجودہ صورتحال کو مشکل اور حساس قرار دیتے ہوئے راجناتھ سنگھ نے کہا کہ میں فوجیوں کے درمیان موجود ہونے پر بہت فخر محسوس کرتاہوں۔انہوںنے کہاکہ وزیراعظم نریندر مودی کی قابل قیادت میں، ہماری افواج نے آپریشن سندورکے دوران جو کچھ کیا اس نے پوری قوم کو فخر سے بھر دیا ہے۔وزیردفاع نے سرحد کے اس پار درست اور اچھی طرح سے کئے گئے حملوں کے لیے فوج کی تعریف کی۔ انہوں نے کہا کہ آپ نے دشمنوں کو نیست و نابود کر دیا، آپ نے پاکستان کی چوکیوں اور بنکروں کو اتنی طاقت سے گرایا کہ دشمن اسے کبھی نہیں بھولے گا۔آپریشن کے دوران فوجیوں کی طرف سے دکھائے گئے نظم و ضبط کا ذکر کرتے ہوئے راجناتھ سنگھ نے کہاکہ لوگ اکثر جوش و خروش کے لمحات میں اپنے ہوش و حواس کھو دیتے ہیں، لیکن آپ(فوج) نے دانشمندی کا مظاہرہ کیا۔ آپ پرسکون رہے، اور وضاحت اور ہم آہنگی کے ساتھ دشمن کی پوزیشنوں کو تباہ کر دیا۔وزیردفاع راجناتھ سنگھ نے خود کو ہندوستانی عوام کا پیغامبر بتاتے ہوئے کہاکہ آپ سمجھ سکتے ہیں کہ میں آپ کے پاس ڈاکیہ بن کر آیا ہوں، 140 کروڑ ہندوستانیوں کا پیغام لے کر آیا ہوں اور وہ پیغام یہ ہے کہ ہمیں اپنی مسلح افواج پر فخر ہے۔راجناتھ سنگھ نے کہا کہ آپریشن سندور صرف ایک فوجی نام نہیں تھا بلکہ ایک قومی عزم تھا۔ انہوںنے کہاکہ یہ آپریشن ہر ہندوستانی فوجی کی آنکھوں میں ایک خواب تھا کہ ہم دہشت گردوں کے ہر ٹھکانے کو تباہ کر دیں گے، چاہے وہ وادیوں میں ہو یا زیر زمین بنکروں میں۔ ہم ان کے سینے کو پھاڑ کر فتح حاصل کر کے لوٹیں گے۔انہوں نے مزید کہا کہ آپریشن سندور ایک عزم ہے جو بھارت نے دکھایا ہے۔ ہم صرف دفاع نہیں کرتے، وقت آنے پر فیصلہ کن کارروائی کرتے ہیں۔راجناتھ سنگھ نے کہا کہ یہ ہندوستان کی طرف سے دہشت گردی کے خلاف اب تک کی سب سے بڑی کارروائی ہے۔انہوںنےمزیدکہاکہ گزشتہ 35 سے49 سالوں سے بھارت سرحد پار سے آنے والی دہشت گردی کا مقابلہ کر رہا ہے، آج بھارت نے دنیا کو واضح پیغام دیا