پہلگام سانحہ: 26مہلوکین کی شناخت مکمل، 12 ریاستوں کے شہری اورایک غیر ملکی شامل

سری نگر/ کشمیر کے مشہور سیاحتی مقام بیسرن، پہلگام میں منگل کو پیش آئے ہولناک دہشت گرد حملے میں 26 بے گناہ افراد جاں بحق ہوئے ، جن کی تفصیلات اب منظرعام پر آ گئی ہیں۔ ان میں ہندوستانی فضائیہ کا کارپورل، بحریہ کا افسر، ایکسائز انسپکٹر اور کرناٹک کا ایک تاجر بھی شامل ہے ۔ہلاک ہونے والوں میں پہلگام کا ایک مقامی نوجوان بھی شامل ہے ۔ متوفی کے رشتہ داروں کا کہنا ہے کہ اُن کے لختِ جگر نے بہادری کا مظاہرہ کرتے ہوئے دہشت گردوں کو روکنے کی بھرپور کوشش کی۔ ان کے بقول، "ہمارا بیٹا اُن کے سامنے ڈٹ گیا، اُس نے اُن سے ہتھیار چھیننے کی بھی کوشش کی، لیکن شدت پسندوں نے اُس پر گولیاں چلا دیں، جس کے نتیجے میں وہ موقع پر ہی جاں بحق ہو گیا۔”
مرنے والوں کی مکمل فہرست:
ونے نروال [؟] بحریہ، کرنال، ہریانہ
این رام چندرن [؟] کوچی، کیرالہ
منیش رنجن [؟] ایکسائز انسپکٹر، جھلڈا، پورولیا، مغربی بنگال
دنیش اگروال [؟] چندی گڑھ
سید عادل حسین شاہ [؟] پہلگام، جموں و کشمیر
نیرج ادھوانی [؟] اتراکھنڈ
دلیپ ڈیسلے [؟] ممبئی، مہاراشٹر
سنجے لکشمن لیلے [؟] تھانے ، مہاراشٹر
جے ایس چندر مولی [؟] وشاکھاپٹنم، آندھرا پردیش
سمیر گوہا [؟] کولکتہ، مغربی بنگال
سشیل نیتیال [؟] اندور، مدھیہ پردیش
اتل شریکانت مونی [؟] تھانے ، مہاراشٹر
بھارت بھوشن [؟] بنگلورو، کرناٹک
ہیمنت جوشی سوہاس [؟] ممبئی، مہاراشٹر
پرشانت ستپتی [؟] بالیشور، اڈیشہ
ٹیگے ہالونگ [؟] زیرو، اروناچل پردیش
مدھوسودن را¶ [؟] بنگلورو، کرناٹک
یتیش پرمار [؟] بھا¶ نگر، گجرات
سومیت پرمار [؟] بھا¶ نگر، گجرات
منجو ناتھ را¶ [؟] شیموگا، کرناٹک
سنتوش جگدلے [؟] پونے ، مہاراشٹر
کسٹوبی گنووٹ [؟] پونے ، مہاراشٹر
شیلیش بھائی کلاتھیا [؟] سورت، گجرات
شبھم دیویدی [؟] کانپور، اتر پردیش
سدیپ نوپانی [؟] روپندیہی، نیپال
یہ المناک واقعہ پہلگام سے تقریباً 6 کلومیٹر دور بیسرن ویلی میں پیش آیا، جہاں دوپہر کے وقت دہشت گردوں نے اچانک فائرنگ کر دی۔ تمام مقتولین مرد تھے اور عینی شاہدین کے مطابق انہیں ایک ایک کر کے نشانہ بنایا گیا۔حملے کے بعد وادی میں غم اور غصے کی فضا ہے ۔ سیاحوں کے انخلاءکی خبریں آ رہی ہیں اور تجارتی تنظیموں و عوام نے ہڑتال اور احتجاجی مظاہروں کا اعلان کیا ہے ۔مرکزی وزیر داخلہ امت شاہ بدھ کی صبح ہیلی کاپٹر کے ذریعے پہلگام پہنچے اور جائے واردات کا معائنہ کیا۔ اس سے قبل انہوں نے سری نگر میں پولیس کنٹرول روم میں مقتولین کو خراج عقیدت پیش کیا۔امت شاہ نے کہا:”بھاری دل سے میں نے پہلگام دہشت گردانہ حملے کے متاثرین کو خراج عقیدت پیش کیا۔ ہندوستان دہشت گردی کے سامنے نہیں جھکے گا، اور اس حملے کے ذمہ داروں کو بخشا نہیں جائے گا۔” یو این آئی