جموں وکشمیر میںیوم ِ اَساتذہ کی تقاریبلیفٹیننٹ گورنر نے جموں میں سکولی تعلیم میںان کے قابل ستائش اقدامات کیلئے اَساتذہ کو مبارک باد دی

لیفٹیننٹ گورنر نے ڈاکٹر سروپلی رادھا کرشنن کو ان کی یوم پیدائش پر خراجِ عقیدت پیش کیا
کہا، زندگی بھر سیکھنے کیلئے اَساتذہ اور طلبا دونوں کو علم کی پیاس اور شدید تجسس ہونا چاہیے جو کہ کلاس روم تک محدود نہ ہو
آج یہ ضروری ہے کہ ہم تعلیم کا ایک ماحولیاتی نظام بنائیں۔ لیفٹیننٹ گورنر
سری نگر/05ستمبر2023ئ
لیفٹیننٹ گورنر منوج سنہا نے جموںوکشمیر یوٹی میں یوم اساتذہ کی تقریب کی قیادت کی۔ اُنہوں نے سری نگر کے بعد جموں میں تقریب میںشرکت کی اورسکولی تعلیم میں نمایاں اقدامات کے لئے اساتذہ کو مبارک باد پیش کی ۔
لیفٹیننٹ گورنر نے سابق صدر ڈاکٹر سروپلی رادھا کرشنن کو ان کی یوم پیدائش پر خراجِ عقیدت پیش کرتے ہوئے کہا کہ یہ موقعہ ہمیں معاشرے اور قوم کے لئے اَساتذہ کی اہم شراکت کا اعتراف کرنے کا موقعہ فراہم کرتا ہے۔
اُنہوں نے کہا،” اَساتذہ ایک ایسا نظام بناتے ہیں جو وقت اور معاشرے کی ضرورتوں کے مطابق ہو ۔وہ قوم کی حقیقی طاقت کے خالق ہیں اور مستقبل کی تیز رفتار سماجی او راِقتصادی ترقی کی راہ ہموار کرتے ہیں۔“
لیفٹیننٹ گورنر نے اَپنے خطاب میں تدریسی کمیونٹی پر زور دیا کہ وہ طلباءمیں تجسس اور جستجو کو فروغ دیں اور ان کی منفرد تخلیقی صلاحیتوں کو پروان چڑھائیں۔
اُنہوں نے کہا کہ دُنیا میں ایک نیا اِنقلاب لانے والے تمام تجربات اور ایجادات کا آغاز تجس سے کیا گیا تھا اور اِسی لئے اَساتذہ کو چاہیے کہ وہ سکولوں میں ایسا ماحول پیدا کریں جہاں طلباءکو سوالات کرنے کی ترغیب دی جائے۔
لیفٹیننٹ گورنر نے کہا،”معاشرہ نئے حل تلاش کر سکتا ہے جب طلباءمیں تجسس ، تعاون اورزیادہ تخلیقی ہوتے ہیں اور ٹیم ورک کی اقدار سیکھتے ہیں۔ اساتذہ اور طلباءدونوں کو زندگی بھر سیکھنے کے لئے علم کی پیاس اور شدید تجسس ہونا چاہیے جو کہ کلاس روم تک محدود نہیں ہے۔“
اُنہوں نے کہا کہ ہمیں طلباءپر تقابل ، اِمتحانات اور نصاب کا بوجھ ختم کرنے کی ضرورت ہے ۔ ہر بچہ منفرد ہوتا ہے ۔ اُنہوں نے مزید کہا کہ اگر ہم اس قوم کے مستقبل کو محفوظ بنانا چاہتے ہیں اور نئے اِمکانات پیدا کرنا چاہتے ہیں تو ہمیںان کی اِنفرادیت کو فروغ دینا چاہیے۔
لیفٹیننٹ گورنر نے تقریب میں نوجوانوں کے مستقبل کی تشکیل کے لئے سکولوں کو ترقی دینے کی اہمیت کو اُجاگر کیا ۔
اُنہوں نے کہا کہ آج یہ ضروری ہے کہ ہم تعلیم کا ایک ماحولیاتی نظام بنائیں ۔اُنہوں نے کہا کہ سکولوں کو کسی شہر یا گاﺅں کے ماحولیاتی نظام کا حصہ بننا چاہیے جو مقامی کمیونٹی ، مقامی کاروبار اور دیگر اِداروں سے جُڑے ہوئے ہیں تاکہ طلباءمقامی مسائل اور اِمکانات کے بارے میں آگاہ ہوں۔
لیفٹیننٹ گورنر نے کہا،” سکولوں کو مستقبل میں تعلیم کے ثبوت کے لئے تیاری کرنی چاہیے تاکہ وہ بااختیار ہوں ، تبدیلی کی توقع کریں ، ایڈجسٹمنٹ کے لئے ایک نظام تیار کریں اور طلباءکو تاحیات سیکھنے کی مہارت ، بنیادی علم اور قابل اطلاع مہارتوں کے اِمتزاج کے لئے حوصلہ اَفزائی کی جائے۔“
اُنہوں نے سماگراہ شکھشا کے تحت 790سول کاموں کا اِفتتاح کیا اور جموںوکشمیر میں 376 ایسٹرو فزکس لیبارٹریوں اور 10ورچیول رئیلٹی لیبارٹریوں کا اِی ۔ سنگ بنیاد رَکھا۔ اُنہوں نے پری پرائمری سیکشن والے سکولوں کے لئے 15,017 آیا اور مدد گاروں کی شمولیت کا عمل بھی شروع کیا۔
اِس موقعہ پر لیفٹیننٹ گورنر کے مشیر راجیو رائے بھٹناگر ، پدم شری پروفیسر جے ایس راجپوت، پدم شری پروفیسر وشومورتی شاستری ، پدم شری ڈاکٹر ایس پی ورما، پرنسپل سیکرٹری سکولی اور اعلیٰ تعلیم الوک کمرا ، سینئر اَفسران، اساتذہ اور طلباءموجود تھے۔
نمبر1636