مویشیوں کے سیکٹر کے لئے پہلی بار  قرض گارنٹی اسکیم کا آغاز

 اس کا مقصد ایم ایس ایم ایز کو  مضبوط کر کے دیہی معیشت کو  جلا بخشنا ہے۔ حکام
 نئی دلی/ماہی پروری مویشی  پروری  اور ڈیری  کی وزارت کے  مویشی پروری  اور ڈیری کا محکمہ مویشی پروری بنیادی ڈھانچے کی ترقی کے فن (اے ایچ آئی ڈی ایف) کے تحت  قرض گارنٹی اسکیم نافذ کر رہا ہے، تاکہ  قرض کی فراہمی کے نظام کو مضبوط کیا جا سکے اور  گروی  سکیورٹی  کی جھنجھٹ کے بغیر  مویشی  پروری کے سیکٹر میں مصروف  بہت چھوٹی ، چھوٹی  اور  اوسط  درجے کی صنعتوں  کے لئے  قرض  کی  خوش اسلوبی  سے فراہمی  کو  آسان بنایا جاسکے ۔ اس  اسکیم کو شروع کرنے کے لیے ڈی اے ایچ ڈی نے750.00 کروڑ  روپے کا  ایک کریڈٹ گارنٹی فنڈ ٹرسٹ قائم کیا ہے، جو قرض دینے والے اہل اداروں کے ذریعے ایم ایس ایم ایز کو دی گئی قرض  کی سہولیات کے 25 فیصد تک قرض  کی  ضمانت  کا کوریج فراہم کرے گا۔قرض گارنٹی اسکیم غیر خدماتی اور زیر خدمت مویشیوں کے شعبے کے لیے مالیاتی رسائی کی سہولت فراہم کرتی ہے، جس سے قرض دہندگان کی طرف سے بنیادی طور پر ابتدائی کاروباریوں اور معاشرے کے مراعات یافتہ طبقے کے لیے مالی امداد کی دستیابی ہوتی ہے، جن کے پاس اپنے مشترکہ  پروجیکٹوں کا تعاون  حاصل کرنے کے لیے ضمانتی تحفظ کا فقدان ہے۔قرض گارنٹی اسکیم کا بنیادی مقصد یہ ہے کہ قرض دہندہ کو پروجیکٹ کے قابل عمل  ہونے کو اہمیت دینی چاہیے اور قرض کی سہولت کو خالصتاً فنانس شدہ اثاثوں کی بنیادی  ابتدائی سکیورٹی  کو محفوظ کرنا چاہیے۔قرض گارنٹی فنڈ ٹرسٹ کے قیام کو وزیر اعظم کے 15000 کروڑ روپے کے  "اینیمل ہسبنڈری انفراسٹرکچر ڈیولپمنٹ فنڈ” (اے ایچ آئی ڈی ایف) کے آتم  نربھر بھارت ابھیان کے محرک  پیکج کے تحت منظور کیا گیا تھا ، تاکہ انفرادی کاروباریوں، نجی کمپنیوں، ایم ایس ایم ایز،  فارمرز پروڈیوسرز آرگنائزیشن (ایف پی او 8 کی ویلیو) سے سرمایہ کاری کی ترغیب دی جاسکے ۔ اس کے علاوہ سیکشن 8  کے تحت قائم کی جانے والی کمپنیوں (i)  ڈیری پروسیسنگ اور ویلیو ایڈیشن بنیادی ڈھانچے ،  (ii) گوشت  کی ڈبہ بندی  اور ویلیو ایڈیشن انفراسٹرکچر، (iii) مویشیوں کے چارے  کے پلانٹ، (iv) نسل کو بہتر بنانے کی ٹیکنالوجی اور نسل کی ضرب کاری کے فارم (v) مویشیوں  کے فضلے سے دولت  کا بندو بست (زرعی  کچرے  کا بندو بست) اور (vi) مویشیوں  کے  ٹیکے  اور دواؤں  کی مینوفیکچرنگ کی سہولیات کے قیام کو  بھی ترغیب دی جاسکے۔