ہندوستانی پارلیمانی وفد کی روانڈا میں بین پارلیمانی ایسوسی ایشن کے 145ویں اجلاس میں شرکت

کیمپ آفس، ہوٹل کیگالی ( روانڈا ) 13 اکتوبر (یو این آئی) راجیہ سبھا کے ڈپٹی چیئرمین ہری ونش کی قیادت میں ایک ہندوستانی پارلیمانی نے وفد کیگالی، روانڈا میں بین الاقوامی پارلیمانی یونین (IPU) کے 145ویں اجلاس میں شرکت کی مسٹر ہری ونش، ڈپٹی چیئرمین راجیہ سبھا، رکن پارلیمنٹ ڈاکٹر سسمبت پاتر اور رکن پارلیمن محترمہ اپراجیتا سارنگی نے بین الاقوامی پارلیمانی ایسوسی ایشن کی گورننگ کونسل کے اجلاس میں شرکت کی۔ ایشیا پیسیفک گروپ (اے پی جی) میں سے بین الاقوامی پارلیمانی ایسوسی ایشن کی ایگزکیٹیو کمیٹی کے رکن کا انتخاب کرنا تھا۔ ہندوستان بھی اے جی پی کا ایک رکن ہے ۔ اس کے لیے گروپ کی جانب سے نامزدگی کے لیے خفیہ رائے شماری کا اہتمام کیا گیا ہے ۔ ممبر پارلیمنٹ محترمہ اپراجیتا سارنگی کو اے پی جی کے اراکین پارلیمان کی زبردست حمایت ملی اور انہوں نے اکثریت سے الیکشن جیتا۔رکن پارلیمنٹ وشنو دیال رام نے "جنگلات کے منفی کاربن کے توازن کو حاصل کرنے کے سلسلے میں پارلیمانی کوششیں” کے موضوع پر پائیدار ترقی سے متعلق مستقل کمیٹی کی بحث میں حصہ لیا۔ممبر پارلیمنٹ کارتیکیہ شرما نے مجوزہ مسودہ پر بحث میں حصہ لیا۔ اس کا عنوان "اعلی سطح کی بین الاقوامی نقل مکانی والے ممالک کی مقامی اور علاقائی ترقی کے لیے پارلیمانی کوششیں اور انسانی اسمگلنگ اور سرکاری سرپرستی سمییت انسانی حقوق کی تمام طرح کی خلاف ورزیوں کی روک تھام تھا”۔رکن پارلیمنٹ ڈاکٹر سسمبت پاترا اور ممبر پارلیمنٹ مسٹر کارتیکیہ شرما نے "آئی پی یو کے یوتھ پارلیمنٹرین فورم” کے اجلاس میں شرکت کی۔