مرکزی وزیر مملکت ماہی پروری کاشوپیاں کا دورہ

ترقیاتی منظر نامے کا جائزہ لیا اور سڑک پروجیکٹوں کا اِی ۔ سنگ بنیاد رکھا
اَفسران ، پی آر آئیز اور کسانوں کے ساتھ تبادلہ خیال کیا
مرکزی وزیر مملکت ماہی پروری ، اینمل ہسبنڈری اور ڈیری ڈاکٹر سنجیو کمار بالیان نے آج مرکزی حکومت کے عوامی رَسائی پروگرام کے مرحلہ سوم کے تحت ضلع شوپیاں کا دورہ کیا تاکہ زمینی سطح پر ترقیاتی منظر نامے کا جائزہ لیا جاسکے ۔ابتداً، ضلع ترقیاتی کمشنر شوپیان سچن کما رواشیا نے مرکزی وزیر کا خیر مقدم کیا اور ضلع کا جائزہ پیش کیا۔اُنہوں نے میگا ترقی پروجیکٹوں کا جائز ہ پیش کیا جن میں پولی تکنیک کالج ، جے این وِی اگلر ، اِنڈور سٹیڈیم ، شوپیاں۔بجبہاڑہ روڈ ، پادریوں کے لئے ٹرانزٹ رہائش وغیرہ شامل ہیں۔ ضلع ترقیاتی کمشنر نے گذشتہ تین برسوں کے ڈسٹرکٹ کیپکس بجٹ کے تحت طبعی اور مالیاتی حصولیابیاں بھی پیش کیں۔اُنہوں نے چیئر کو باغبانی شعبے میں ضلعی اِنتظامیہ کی طرف سے اُٹھائے گئے مختلف اقدامات جیسے ہائی ڈینسٹی ورائٹیز کا تعارف ، ضلعی اِنتظامیہ کا ایک نیا اقدام ، دستک پورٹل جو سنگل وِنڈو سسٹم سے روزگار کے مواقع فراہم کرتا ہے ،کے بارے میں جانکاری دی۔مرکزی وزیر مملکت نے آئی ڈی ڈی ایس اور آئی پی ڈی پی جیسی مرکزی معاونت والی سکیموں پر خصوصی زور دیتے ہوئے اینمل ہسبنڈری ، بھیڑ پالن اور ماہی پروری کے شعبے کا جائزہ لیا۔اُنہوں نے سیکٹر کے مطالبات اور مسائل سنے اور متعلقہ اَفسران کو اون پروسسنگ یونٹوں کے قیام ، اون بورڈ کی تشکیل کی ضرورت سے آگاہ کیا ۔اُنہوں نے اون کی کم شرح او رپروڈکٹ کے لئے ایم ایس پی کی ضرورت ، ماہی پروری کے لئے اِنشورنس ، ایل ایس ڈی کے لئے مناسب ویکسی نیشن کے معاملے پر بھی جھنڈی دِکھائی۔مرکزی وزیر مملکت موصوف نے اَفسران پر زور دیا کہ وہ ماہی پروری ، اینمل ہسبنڈری اور بھیڑ پالن شعبوں میں کاروباری سرگرمیوں کو فروغ دیں تاکہ بے روزگاروں کو روزگار کے مزید مواقع فراہم کئے جاسکیں۔اِس کے بعد مرکزی وزیر مملکت نے 1186.30 لاکھ روپے کی تخمینہ لاگت سے تعمیر ہونے والے3 سڑک پروجیکٹوں کا اِی ۔ سنگ بنیاد رکھا جن میں شرمل۔ بالپورہ ، ٹنگوانی روڈ ، حاجی پورہ ۔ ارکھاڑ روڈ ، گورینا رڈ چنچ مرگ روڈ شامل ہیں۔مرکزی وزیر مملکت ڈاکٹر سنجیوکما ر بالیان نے ڈی ڈی سی ، بی ڈی سی کے اراکین ، ایم سی کونسلروں او رپی آر آئی کے دیگر اراکین کے ساتھ بھی تبادلہ خیال کیااور اُنہوں نے آنے والے معززین کے مسائل اور مطالبات بغور سنا ۔ایم سی چیئرمین اور ڈی ڈی سی ممبران نے ضلع کے لئے الگ میکینکل ڈویژن ، سبزی منڈی ، ڈرائی فروٹ منڈی کے قیام او رسیب مارکیٹنگ، ٹرانسپورٹیشن اور کم نرخوں کے ازالے کے لئے ایم او ایس کی مداخلت ، ایل ایس ڈی کی ویکسی نیشن ، حرمین چترگام میں اینمل ہسبنڈری ہسپتال کا مطالبہ کیا ۔مرکزی وزیر مملکت موصوف نے پی آرآئی ممبران سے اپیل کی کہ وہ بھیڑ ، بکری ، فشریز فارمنگ میں زیادہ سے زیادہ لوگوں کو شامل کرنے کے ساتھ ساتھ اینمل ہسبنڈری شعبے میں ایف پی اوز کی تشکیل پر زور دیں تاکہ بہتر پیداوار کو فروغ دیا جاسکے۔