ٹیکس چوری کے خلاف مہم تیز کر دی گئی

جموں وکشمیر سٹیٹ ٹیکسز محکمہ نے خصوصی چیکنگ سکارڑ تشکیل دئے
سرینگر/جموں و کشمیر اسٹیٹ ٹیکس ڈیپارٹمنٹ نے ٹیکس چوری کی حوصلہ شکنی کرنے اور گڈز اینڈ سروس ٹیکس، سٹیمپس ایکٹ اور کے مینڈیٹ کے اندر ٹیکس چوری کو روکنے کے لیے دن کے کسی بھی وقت اپنے دائرہ کار میں تعمیل کو یقینی بنانے کے لیے سینئر افسران کی سربراہی میں فلائنگ اسکواڈ تشکیل دیے۔ کمشنر اسٹیٹ ٹیکس، ڈاکٹر رشمی سنگھ، آئی اے ایس کے جاری کردہ ایک حکم کے مطابق، آٹھ فلائنگ اسکواڈز ( جموں و کشمیر دونوں صوبوں کیلئے) جن کی سربراہی محکمہ کے سینئر افسران کرتے ہیں، جاری انفورسمنٹ مہم کی نگرانی کے لیے تشکیل دی گئی ۔اسکواڈز کو زمینی سطح پر محکمہ کے کام کاج کی نگرانی کے لیے مارکیٹ کا معائنہ کرنے کا بھی حکم دیا گیا ہے۔محکمہ نے ایک خصوصی انفورسمنٹ مہم کے دوران گزشتہ 10 دنوں میں سامان کی نقل و حمل کے لیے ضروری دستاویزات نہ رکھنے پر گاڑیوں پر 60 لاکھ روپے سے زیادہ کا جرمانہ عائد کیا ہے۔عہدیداروں نے بتایا کہ محکمہسٹیٹ ٹیکسزکمشنر ڈاکٹر رشمی سنگھ کی ہدایات کے تحت جموں و کشمیر میں محکمہ کے تمام سات نافذ کرنے والے ونگوں کی طرف سے دن رات چیکنگ کی گئی۔ایڈیشنل کمشنر اسٹیٹ ٹیکس ایڈمنسٹریشن اینڈ انفورسمنٹ جموں نمرتا ڈوگرا اور ایڈیشنل کمشنر اسٹیٹ ٹیکس ایڈمنسٹریشن اینڈ انفورسمنٹ کشمیر شکیل مقبول کی نگرانی میں ان مہمات کی کڑی نگرانی کی گئی۔محکمہ کے ترجمان کے مطابق انفورسمنٹشعبے کے ڈپٹی کمشنرز نے مختلف ٹیمیں تشکیل دی ہیں جن کی سربراہی اسسٹنٹ کمشنرز یا اسٹیٹ ٹیکس آفیسرزکرتی ہیں، جو کہ مناسب ٹیکس انوائسز، ای وے بلز وغیرہ کے بغیر سامان لے جانے والی گاڑیوں کے خلاف چیکنگ پر زور دیتے ہوئے نفاذ کی سرگرمیوں کے لیے متحرک ہیں۔وسیع تر نفاذ مہم کے دوران جموں و کشمیر میں کل 8387 گاڑیوں کو روکا گیا اور ای وے بل کے ریکارڈ کی عدم تعمیل، انوائس کے احاطہ کے ساتھ سامان کی نقل و حرکت، مقدار میں مماثلت، ای۔انوائسنگ وغیرہ 132 کیسز سامنے آئے۔ ان گاڑیوں کے فزیکل انسپیکشن کے دوران گاڑیوں کے وے بل پوسٹ انٹرسیپشن، انوائس میں جعلی جی ایس ٹی نمبر نظر آئے۔ترجمان کے مطابق کل مقدمات میں سے117 مقدمات کو حتمی شکل دی گئی ہے اور 63.59 لاکھ روپے کا جرمانہ عائد کیا گیا ہے۔ 15 کیسز ابھی بھی جانچ کے عمل میں ہیں۔حکام نے مزید کہا کہ اشیاءکی غیر قانونی نقل و حرکت جیسے لوہے کے اسکریپ، مکسڈ سکریپ، سیمنٹ، اینٹیں، جوتے، ہارڈ ویئر، باتھ روم کے لوازمات، ٹی ایم ٹی بار، ریڈی میڈ گارمنٹس، فرنیچر، لکڑی، ای آٹو رکشہ، شال، ماربل وغیرہ کی غیر قانونی نقل و حرکت دیکھی گئی ہے۔مزید برآں، ایک وسیع مارکیٹ چیکنگ کے دوران انفورسمنٹ ٹیموں نے 266 GSTINرجسٹرڈ احاطے کا معائنہ کیا، اور 70 ڈیلر انوائس جاری نہ کرنے، اور کاروبار کی اضافی جگہوں کی وضاحت نہ کرنے کے حوالے سے عدم تعمیل کرتے پائے گئے۔ ان کے علاوہ 101 ڈیلر جو رجسٹریشن کی حد کو عبور کر چکے تھے غیر رجسٹرڈ پائے گئے اور ان کے خلاف جی ایس ٹی ایکٹ کے تحت کارروائی شروع کر دی گئی ہے۔محکمہ نے کہا کہ متعدد کیو آر کوڈز جو مختلف اکاو¿نٹس سے منسلک ہیں، کاروباری نام سے نہیں ہیں، ان کی بھی جانچ پڑتال کی جا رہی ہے۔