نیرچ چوپڑا نے امریکہ میں عالمی ایتھلیٹکس چمپئن شپ میںجیت حاصل کی

نیزہ پھینکنے کے مقابلے میں چاندی کا تمغہ جیت کر ایک تاریخ رقم کی
ٹوکیو اولمپک میں سونے کا تمغہ جیتنے والے نیرچ چوپڑا نے امریکہ میں عالمی ایتھلیٹکس چمپئن شپ میں مردوں کے نیزہ پھینکنے کے مقابلوں میں چاندی کا تمغہ جیتا ہے۔ ٹوکیو اولمپک میں سونے کا تمغہ حاصل کرنے والے نیرج چوپڑا نے عالمی ایتھلیٹکس چمپئن شپ میں مردوں کے نیزہ پھینکنے کے مقابلے میں چاندی کا تمغہ جیت کر ایک تاریخ رقم کی ہے۔ انھوں نے آج صبح امریکہ کے Oregon شہر میں ہوئے پ±روقار مقابلے میں 88 اعشاریہ ایک تین میٹر دوری تک نیزہ پھینک کر دوسری پوزیشن حاصل کی۔ جبکہ Grenadian ایتھلیٹ Anderson Peters نے 90 اعشاریہ پانچ چار میٹر دوری تک نیزہ پھینک کر سونے کا تمغہ جیتا ہے۔عالمی ایتھلیٹکس چمپئن شپ میں چاندی کا تمغہ جیتنے والے نیرج چوپڑا پہلے بھارتی ایتھلیٹ بن گئے ہیں۔ وہ سابق لانگ جمپر Anju Bobby George کے بعد ایسے دوسرے بھارتی ایتھلیٹ ہیں جنہوں نے پیرس میں 2003 میں لانگ جمپ میں کانسے کا تمغہ جیتا تھا۔وزیراعظم نریندر مودی اور کھیلوں کے وزیر انوراگ سنگھ ٹھاکر نے نیرج چوپڑا کو ان کی اس اہم کامیابی کیلئے مبارکباد دی ہے۔ ایک ٹوئیٹ میں جناب مودی نے کہا کہ ہمارے ایک سب سے ممتاز ایتھلیٹ کی طرف سے یہ ایک اہم اور بڑی کامیابی ہے۔ انہوں نے کہا کہ بھارتی کھیلوں کیلئے ایک خصوصی لمحہ ہے۔کھیلوں کے وزیر انوراگ سنگھ ٹھاکر نے ایک پیغام میں نیرج چوپڑا کی تعریف کرتے ہوئے کہا ہے کہ وہ اپنے جیت کا سلسلہ جاری رکھیں گے اور عالمی چمپئن شپ میں تمغہ جیتنے کیلئے پہلے بھارتی مرد اور دوسرے بھارتی ایتھلیٹ بن گئے ہیں۔ جناب ٹھاکر نے یہ بھی کہا کہ نیرج اب ہر عالمی مقابلے میں تمغہ جیت چکے ہیں۔