پٹرول اورڈیزل کی قیمت مستحکم

نئی دہلی(یو این آئی) بین الاقوامی سطح پر خام تیل کی قیمت 75 ڈالر فی بیرل کو عبور کرنے کے باوجود مقامی سطح پر منگل کو مسلسل 75 ویں دن بھی پٹرول اور ڈیزل کی قیمتوں میں کوئی تبدیلی نہیں ہوئی۔مرکزی حکومت کے ذریعہ پٹرول اورڈیزل پرایکسائز ڈیوٹی میں بالترتیب پانچ اور 10 روپے کے کمی کے اعلان کے بعد 4 نومبر 2021 کو ایندھن کی قیمتوں میں تیزی سے کمی ا?ئی تھی۔ اس کے بعد ریاستی حکومت کے ویلیو ایڈڈ ٹیکس (ویٹ) کو کم کرنے کے فیصلے کے بعد دارالحکومت دہلی میں بھی ویٹ کوکم کرنے کا فیصلہ کیا گیا۔ اس کے بعد دارالحکومت میں 2 دسمبر 2021 کو پٹرول تقریباً آٹھ روپے سستا ہواتھا۔ تاہم ڈیزل کی قیمتوں میں کوئی تبدیلی نہیں ہوئی۔مرکزی حکومت کے ذریعہ ایکسائز ڈیوٹی میں کمی کے بعد بیشتر ریاستی حکومتوں اورمرکز کے زیر انتظام علاقوں نے بھی پٹرول اور ڈیزل پر ویلیو ایڈڈ ٹیکس (ویٹ) کو کم کر دیا تھا، جس سے عام آدمی کو بڑی راحت ملی تھی۔پیٹرول اور ڈیزل کی قیمتوں کا روزانہ جائزہ لیا جاتا ہے اور اس کی بنیاد پر نئی قیمتیں روزانہ صبح 6 بجے سے لاگو ہوتی ہیں۔