حکومت دفاعی شعبے میں ہندوستان آتم نربھر بنانے کے لیے پرعزم ہے۔ راج ناتھ سنگھ

 پونے۔ْوزیر دفاع راج ناتھ سنگھ نے جمعہ کو کہا کہ حکومت ملک کو دفاعی شعبے میں خود انحصار بنانے کے لیے پرعزم ہے اور اس سمت میں پہلے ہی کئی قدم اٹھا چکے ہیں۔مہاراشٹرا کے چھترپتی سمبھاجی نگر میں صنعت کے نمائندوں سے خطاب کرتے ہوئے  وزیر دفاع  راجناتھ سنگھ نے کہا کہ دفاعی برآمدات 2014 میں 600 کروڑ روپے سے بڑھ کر 24,000 کروڑ روپے تک پہنچ گئی ہیں۔”ہمارا ہدف 2029-30 تک 50,000 کروڑ  روپے(برآمدات( حاصل کرنا ہے۔بی جے پی کی زیرقیادت حکومت نے خود انحصاری کے حصول کے لیے کئی بڑے اقدامات کیے ہیں اور ایسی اشیاء کا اعلان کیا ہے جو مقامی طور پر تیار کی جائیں گی اور درآمد نہیں کی جائیں گی۔وزیر نے کہا کہ اس وقت دفاعی پیداوار 1.60 لاکھ کروڑ روپے  ہے اور اس کا مقصد اسے 3 لاکھ کروڑ روپے  تک بڑھانا ہے۔وہ چھترپتی سمبھاجی نگر میں پیداواری مرکز کے طور پر اچھی صلاحیت کو دیکھتے ہیں۔ راجناتھ سنگھ نے کہا، "آپ کے یہاں ایک پختہ صنعتی ماحولیاتی نظام ہے۔ ٹھوس تجاویز کے ساتھ میرے پاس آئیں۔”