کنگنا نے تین متنازعہ زرعی قوانین کے بارے میں اپنے تبصرے واپس لیے

نئی دہلیْ بھارتیہ جنتا پارٹی (بی جے پی ) کی رکن پارلیمنٹ کنگنا رناوت نے تین متنازعہ زرعی قوانین کو دوبارہ نافذ کرنے سے متعلق اپنے ریمارکس پر افسوس کا اظہار کیا اور اسے واپس لے لیا۔میڈیا سے بات کرتے ہوئے کنگنا نے 2021 میں منسوخ کیے گئے تین زرعی قوانین کو دوبارہ نافذ کرنے کی بات کی تھی۔ انہوں نے کہا تھا کہ میں جانتی ہوں کہ یہ بیان متنازعہ ہو سکتا ہے ، لیکن تینوں زرعی قوانین کو پھر سے واپس لائے جانے چاہئیں ۔ کسانوں کو خود اس کا مطالبہ کرنا چاہیے ۔ انہوں نے کہا کہ یہ قوانین کسانوں کے لیے فائدہ مند تھے لیکن کچھ ریاستوں میں کسان گروپوں کی مخالفت کو دیکھتے ہوئے مرکز نے انہیں منسوخ کر دیا۔ اپنے تبصرے پر تنازع کے بعد کنگنا رناوت نے آج و اسے واپس لے لیا۔ اس سلسلے میں انہوں نے سوشل میڈیا پلیٹ فارم پر ایک ویڈیو شیئر کی ، جس میں انہوں نے کہا، [؟]میڈیا کے سوالات کے جواب میں، میں نے کہا تھا کہ تینوں زرعی قوانین کو واپس لایا جانا چاہئے اور کسانوں کو اس سلسلے میں وزیر اعظم سے درخواست کرنی چاہیے ۔