مینوفیکچرنگ سرگرمیوں میں تیزی سے بہتری آرہی ہے

نئی دہلی، یکم نومبر (یو این آئی) تہواری سیزن اور وبا سے نپٹنے کےلئے ٹیکہ کاری میں آئی تیزی کی بدولت معیشت کے پٹری پرواپس آنے کے ساتھ ہی مینوفیکچرنگ سرگرمیوں میں بھی تیزی سے بہتری آرہی ہے ۔ اس برس اکتوبرمیں مینوفیکچرنگ پی ایم آئی 55.9پر رہا ہے جبکہ ستمبر 2021میں یہ 53.7پر رہا تھا۔ مینوفیکچرنگ پی ایم آئی کے پچاس سے زیادہ رہنے کو بہتر سمجھا جاتا ہے ۔ اس سے کم کو منفی سمجھا جاتا ہے ۔ اس اضافہ کا اشارہ ہے کہ نئے آرڈر مل ر ہے ہیں اور مانگ بھی آرہی ہے ۔ زیرجائزہ مہینے میں کمپنیوں نے اپنے ذخیرہ اور پیداوار دونوں میں اضافہ کیا ہے جبکہ روزگار پر خطرہ برقرار ہے کیونکہ نئے روزگار کم مواقع پیدا ہوئے ہیں۔ مارکٹ ریسرچ کرنے والی کمپنی وارکلیج نے مینوفیکچرنگ پی ایم آئی میں آئی تیزی کی بدولت رواں مالی سال کی دوسری سہ ماہی میں اپنی اقتصادی ترقی کی پیش گوئی کو 9.9فیصد پر برقرار رکھا ہے ۔